方力申將會首次演出舞台劇，與資深舞台劇劇工作者張可堅，主演《相約星期二》，即將在11月公演，合共12場。這套劇是有關一個真實故事，七旬的大學教授慕理在1994年罹患ALS漸凍人症，在他離世前與得意門生明哲相約每周星期二上課，進行最後一次的教導。學生明哲將老師的醒世箴言編輯成書《Tuesdays with Morrie》，這書暢銷全球近2000萬本，更翻譯過31種語言，又被改編成電影、劇集等。中英劇團其實已經不是第一次公演，2016年由鍾景輝和陳國邦分別演出角色慕里教授和學生明哲，當時大受歡迎，多度公演。但對於在娛樂圈工作20年的方力申來說，因首次演出舞台劇，則是一個重大考驗。
同場加映：中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨
這劇探討不少人生課題，包括與家人相處、人生意義和死亡等，方力申與張可堅早前接受《晴報》訪問，他們大談對於這故事的感受。他們已經不是第一次接觸這個故事，在不同年紀看，都有不少的領悟，今次演出舞台劇自然更深入了解。
方力申奉行一日一餐飲食法2年 拍劇開工照忍口 身體有咩變化？【下一頁】
東張西望︳方力申重提2年前遇上「借襪男」 驚被落降頭 朋友教化解方法【下一頁】
方力申在18歲閱讀這本書，到現在演出，有很大的不同感覺，細個睇嗰啲金句，覺得唔關自己事，只係覺得好感人、師生感情好好。但到而家去演，人大咗要面對死亡，一定要珍惜眼前人，有啲說話要講就講，若果唔係想講時就冇呢個機會。」他亦領悟到慕里教授所講，要宣揚多點愛給身邊人，將來別人會掛念自己，所以他亦覺得要多行善，正向生命影響生命。
堅叔就坦言，幾十年人，但仍然會害怕面對死亡，他感觸得雙眼通紅地說：「免得過我唔去殯儀館，唔會瞻仰遺容。我只想記住嗰個人最好嘅外貌，呢個劇不斷要你面對，我仍未有結論，只係我暫時唔捨得，唔捨得咁美好人生。我冇一個結論，慕里教授話要了解死亡，重點係『了解』，我未諗通。」
慕里教授在其中一課教學生明哲要珍惜眼前人，還問：「你搵到一個可以同你分享呢一世未呀？」方力申可會得到領悟？他就婉轉地謂：「對於劇入面關於另一半、仔女嘅話題，我都有幻想，如果只係得朋友係唔夠，佢哋會離你而去。但親人、另一半會無私奉獻陪到最後，當然係需要有太太，但我幾時未知。」一直以來，方力申的戀情都保持低調，自與鄧麗欣分手後，直至今年被爆出與圈外人葉萱拍拖，女方接受Netflix訪問，於節目《以神之名：信仰的背叛》內，勇敢地站出來，透露加入某教會後被性侵的事。
方力申首次演舞台劇，差不多兩個多小時的演出都只有他與堅叔，戲份十分重，相對地台詞亦會特別多。方力申要記很多對白，自言感到壓力又緊張，但他把緊張轉化成興奮：「冇得NG，兩個演員有大量台詞，差不多每人講一個鐘。舞台劇同演戲唔同，情緒同表現水準要保持，實在要好專注。要保持十幾場戲嘅情緒一樣，又會唔會喺觀眾面前發台瘟，我哋見面讀稿嗰陣講過好多次，但真係未知之數，只能夠話壓力越大就越興奮。」
堅叔表示很多對白由方力由發問，所以就算出現甩對白的情況，都好難幫方力申打圓場，方力申在旁打定輸數，他笑言：「你由我死啦!」方力申在娛樂圈都打滾20年，拍劇、演戲又做主持，其實經驗豐富，但講到執生他都投降，重提2011年與葉璇主持雅典奧運時，在鏡頭面前出錯：「我唔知，我執生好渣，你睇我做主持就知 ，如果唔係都唔會講得出嗰啲『你寸我呀？』，原全唔識執生。」試過就唔會再錯，無事嘅。
撰文：王連連
攝影：林賓尼、何家賢
方力申Credit：
化妝：Yen Lai
髮型： Kin Tam@ ILCoplo
服裝： Mark Fast
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】