方力申親認女友身分曝光難搵工 自爆遭拒受聘原因勁荒謬

方力申（小方）今日到四季酒店出席運動飲品活動，同場還有湖北省體操協會會長、前國家體操隊隊員李大雙，還有前國家體操隊隊員 、奥運金牌得主李小雙，身為前香港游泳隊代表的小方，與兩位體壇猛人在活動上分享對運動、運動飲料及體育發展的寶貴意見，三人見面時惺惺相識，不時交頭接耳。

同場加映：法言人丨蔣祖曼硬朗外表掩蓋真性情 爭取時間陪仔女：相處似家姐

{{hket:ul-video id="8125"}}{{/hket:ul-video}}

{{hket:inline-image name="DSC_0420.JPG"}}{{/hket:inline-image}}

{{hket:inline-image name="DSC_0474.JPG"}}{{/hket:inline-image}}

小方透露自己的食量跟過往做運動員時差不多，但運動就明顯減少，「以前游水4個鐘，依家就半個鐘至45分鐘，食量依然好似20幾歲咁，可以食到30安士牛扒。」由於稍後要拍戲，小方現時正在努力減磅，他透露距離目標還欠3、4公斤，但自己會忍口，堅持一日吃一餐；問他可會要求女友葉萱（Maple）陪他吃營養餐？小方笑言雙方有溝通過，但仍未實行，「我哋有一齊游水，但我係以教練身分，唔係男友身分，同埋我好認真嘅，唔會好惡鬧人，任何人對游水有興趣都好樂意分享，不過佢好怕曬，游水會揀朝早或傍晚。」

{{hket:inline-image name="DSC_0503.JPG"}}{{/hket:inline-image}}

Maple因身分曝光，在網上狂呻搵工有難度，小方直言是事實，「明明收到信話請，最後又話唔請，理由係佢男朋友太出名，唔關佢嗰樣嘢（邪教教主性侵案）事，自己聽到覺得好荒謬，每件事都會有支持同唔支持嘅人。（幫女朋友搵工？）咁又無，佢本身响補習同翻譯方面都識人，所以唔太擔心。」而日前Maple在新開IG分享畫作，指自己要多喝水，因未來還有很多眼淚要流，問女友是否仍很傷心？小方笑指：「你哋追得比我仲貼，你睇到咩就咩，我對住佢係做個開心大使，需要我就陪伴佢，我係個幽默嘅人，同我一齊都開心嘅。」

{{hket:inline-image name="3_600_600.jpeg"}}{{/hket:inline-image}}

撰文：倪小珊

採訪：黃寶蓮