《中年好聲音2》收視越來越好，除了參賽者的表現，評審的互動都成為焦點，著名音樂人伍仲衡和肥媽更火星撞地球，集集有火花。不過私底下的伍仲衡溫柔又浪漫，今年1月開騷當眾向任職幕後宣傳的女友求婚，引來全場起哄。最近伍仲衡接受蝦頭楊詩敏和Shiga連詩雅的網上節目《絲打圍爐》訪問，首度公開為追求女友，不惜借JW王灝兒和吳業坤過橋的事，花盡心思都只為博紅顏一笑，浪漫爆燈。
同場加映：FINALLY搞舞台劇為阿冰甘願做配角 諗計博觀眾一笑：盡量唱得差啲
蝦頭和Shiga大讚伍仲衡當眾求婚，相當勇敢，伍仲衡即說：「唔使鼓起勇氣，因為我真係好愛佢。」兩位女主持登時尖叫，並問他與女友的相識經過。伍仲衡指跟女友Ida相識是緣分，雖然同在娛樂圈工作，但不認識，「間唔中都見到佢，嗰時心諗個女仔幾靚，有時佢帶住啲藝人宣傳，我覺得佢仲靚過啲藝人。」打聽下獲知對方英文名，伍仲衡便在社交網搜尋對方，及提出交友邀請，變成網友關係，又問對方聯絡電話。但為免嚇怕對方，沒有太進取行動，直至疫情期間，伍仲衡一周開兩次Live，借故聯絡對方：「我知JＷ係佢公司，就問可唔可以安排JＷ一齊Live。」雖然最後因JＷ已轉公司而無法安排，但伍仲衡把首次的WhatsApp對話一直保存至今，「三年前9月29日，我會記住呢一日。」從此二人展開了對話，透露訊息傾偈一年才正式展開行動。
伍仲衡透露兩年前主動約Ida，「佢最初有啲高姿態，玩家嚟，哈哈哈，但我鍾意有挑戰，一約就出我又唔鍾意。再約多一次就搞掂，佢話唔出夜街，提議食lunch。第一次約到佢去九龍塘一間餐廳食飯，佢竟然呢，叫多咗個男仔出嚟，（蝦頭不停嘩嘩聲）嘩！咁我更加想追到佢，（Shiga稱對方應該並非擺高姿態）後來佢講番係因為大家唔熟，唔知講咩好，所以叫埋個DJ出嚟。」伍仲衡稱雖然對方帶朋友一起約會，但感到對方對自己有好感。所以即乘勝追擊約食晚飯，今次女方帶了好友坤哥一起，「其實嗰時我哋已經曖昧得好勁，佢嗒晒糖，嗰晚我喺枱底拖佢隻手，佢推開我又拖，佢飲咗好多去廁所，咁我梗係陪佢去，一去完廁所一嘢攬住佢就嚟（親嘴），咁就搞掂咗，再車佢返去，又喺車到又嚟多次（親嘴），咁就一齊咗。」
中年好聲音2︳42歲甘永傑06年新秀圈中多老友 獲陳慧嫻讚似陳友：你可以接棒【下一頁】
伍仲衡又說Ida令他有初戀的感覺，更指拍過多次拖，但只對Ida有想結婚的衝動。蝦頭問如何認定對方是真命天女？伍仲衡語出驚人：「因為佢鍾意做家務，（蝦頭爆笑）我完全唔識做家務，我係話佢可以打理一頭家，我唔係要請工人。佢好好，見到啲嘢亂咗幫我執，廁所污糟少少就幫我洗，架車污糟又同我去洗車，係咪好好先？令我成個人都乾淨咗，所以好想據為己有，一世為我洗廁所，哈哈哈。」蝦頭同Shiga笑到標眼水，伍仲衡仲話：「但係我都畀好多幸福佢㗎，我成日唱歌畀佢，佢好冧㗎。」隨即唱出Ida最愛的歌曲《分分鐘需要你》，繼續冧爆在鏡頭後的Ida。
思家大戰丨伍仲衡數恩愛夫妻提王浩信陳自瑤 現場反應震驚大笑 事後致歉？【下一頁】
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組