《愛回家》CPU｜譚坤倫阮浩棕拍劇被曱甴包圍 瞓低做戲高度戒備：有啲爬入褲

譚坤倫（Alan）入行12年，曾演出過無數角色。當中最深入民心的角色可算是《愛回家之開心速遞》接龍IT三子之一CPU，宅男形象令人印象深刻。最近Alan就拍TVB新劇《死有對証》，與阮浩棕有不少對手戲。近日兩人在拍外景時，竟然遇到「不速之客」！

同場加映：我們的青春日誌丨蘇韻姿「被離家」迷惘中轉化心情 自責累媽媽擔心：佢想令我振作

{{hket:ul-video id="9406"}}{{/hket:ul-video}}

Alan在IG po出拍外景的影片，可見拍攝場地有不少曱甴肆無忌憚四處遊走。Alan直言今次拍外景超難忘，「頭先係有超多隻（曱甴），有啲爬入人哋條褲，有啲爬上人哋個身，而我要瞓喺呢度做戲。」

{{hket:inline-image name="8-8-8-.jpeg"}}{{/hket:inline-image}}

{{hket:inline-image name="70_600.jpeg"}}{{/hket:inline-image}}

Alan接受《晴報》訪問，指現場是九龍塘真光里，地下同牆身都不斷有曱甴出沒，他為免曱甴爬上身不斷原地踏步，「下晝拍攝嘅時候仲覺得呢條後巷比平時嗰啲闊落同埋乾淨，到夜晚先知道咁恐怖。唔知點解到11點至1點之間特別多曱甴，我一路做戲就由下晝瞓到凌晨，好彩喺嗰個時段唔使瞓低。」他又指瞓低時都覺得恐怖，「一地都係曱甴屍體，踢開就咁瞓落去，瞓喺度仲要聽到啲曱甴喺上面跌落嚟嘅聲音，最後仲有啲老鼠聲…」

{{hket:inline-image name="09.jpeg"}}{{/hket:inline-image}}

本身都好驚曱甴的Alan，為了拍攝，他與阮浩棕都頂硬上。「其實每一個演員都驚，但係驚阻礙拍攝進度，大家頂硬上，然後副導演企喺度幫我睇住有冇曱甴埋身，然後我見佢無啦啦行埋嚟，望住地下，但佢又唔想驚動到大家，我就立刻彈起身！真係有一隻喺我下面，馬上踢走佢，然後繼續瞓低拍攝。事後我問返個副導演，其實佢自己都驚㗎，佢仲要係女仔嚟。」

身處在如此恐怖的區域，Alan指方紹聰本來想踢死曱甴，「因為係我哋做戲嘅區域，驚隨時飛埋嚟，所以佢問我不如踢開佢？然後最後我哋兩個都冇踢到，哈哈。仲有就係後尾我走嘅時候先得閒用電話，睇返就知道係婚宴場地廚房出面。」

Alan在《死有對証》中戲份不算太多，不過他表示角色好重要，「《死有對証》劇情主要圍繞阮浩棕、韓瑪利Mary姐一家人，我亦都係最後會幾影響佢哋一家人嘅人。雖然唔係太多戲，但係都非常享受成個過程。」他又透露自己會與關楓馨會有破格演出，「雖然唔知道最後出街嘅時候會用幾多鏡頭，但係拍攝嘅過程中對我嚟講有啲大膽。」

靈戲逼人｜《愛回家》CPU變官仔骨骨粵劇小生 譚坤倫演李成昌年輕版做足功課【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：Alan IG、TVB影片截圖