魔術師甄澤權(Louis Yan)今年榮升爸爸,愛女甄允菲(Kacy)剛剛踏入6個月大。「小魔女」Kacy肥美又可愛,不過Louis自爆兩度確診新冠肺炎,擔心不夠精神陪女兒,好友陳敏之乘機提議他生多個。Louis回應本報,笑言想先專心照顧Kacy,同時希望三年內為愛女添弟妹。
中年好聲音丨車婉婉亡母情緒鬱結致失聲陷低潮 順逆好壞拼湊成冠冕:無悔無怨
甄澤權自豪與囡囡似「複製貼上」 Kacy抗議:我想似媽咪多啲【下一頁】
Louis出po賀囡囡Kacy 6個月大,同時求問「網上大神」:「我前後中過兩次新冠肺炎,之後一直喉嚨都會成日乾咳,又瞓得好差,成日都好攰,係攰到好似熄機咁!我估應該係長新冠症狀。Kacy係一個活躍嘅BB,有時都唔夠精神同佢玩。大家有冇咩良方妙藥介紹下畀我?」陳敏之即留言:「盡快生多個,陪bb玩!」
Louis接受本報訪問,被問到會否考慮敏之的建議,生多個小朋友?他笑說:「其實我同太太都想Kacy有個細佬或者妹妹,可以有個伴一同成長,但現階段想專注照顧好一個先,將所有資源同時間畀哂佢,但如果真係生多一個,都會希望3年內做到。」
Kacy擁有「蓮藕手」和肥美大髀仔超可愛,Louis亦忍不住大讚女兒:「Kacy而家6個月真係好好玩好得意,佢最乖就係每日我哋一起身,第一眼望住佢,佢一定會笑,成為咗我每日工作嘅動力。雖然佢唔算好大隻,但都有15磅,抱一陣都會攰,同埋隻腳仔特別粗同短,現階段成日想食腳趾,但成日都唔成功。」
Louis透露Kacy開始食糊仔,太太十分用心研究加固菜單,不過他自爆是「豬隊友」:「我負責偷偷地畀嘢Kacy試,例如畀佢食過少少雪糕。我又試過半夜自己打乞嗤嘈醒個女,令佢瞓唔番,都被太太話我係豬隊友。」為賺奶粉錢,Louis努力工作搵錢,需要周圍飛演出,他坦言非常掛住Kacy:「所以我成日會睇cam,留意住Kacy啲舉動,因為佢日日都有啲嘢學識或唔同咗,好神奇。Kacy暫時對FaceTime無咩興趣,每次打畀佢,佢都擰轉面掛住玩。」
40歲魔術師甄澤權宣布做爸爸 曬超聲波相被問:係咪變出嚟?【下一頁】
立刻加入《晴報》WhatsApp頻道,獲取最新娛樂、健康及著數資訊,仲有送禮活動!
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文:娛樂組
圖片來源:magiclouisyan IG、magickacyyan IG