蔡思貝2013年參加《香港小姐競選》，晉身決賽，最終獲得亞軍後加入娛樂圈，轉眼入行10年。她加入無綫後三個月，已經有劇拍，機會不斷。她現時成為一線花旦，人紅是非多，由被人質疑學歷，到經常跟男演員傳緋聞，不時受外界抨擊，五花百門的花邊新聞有損其形象。
就算有千萬人阻擋，就算心情受到影響猶如坐過山車，就算跌到落谷底時收埋自己......蔡思貝一樣沒有投降。
同場加映：
你好，我的大夫丨何廣沛一帆風順背後獨自承受壓力 公開戀情收祝福 望平衡事業與生活
在剛播完的劇集《你好，我的大夫》中，她飾演一名中醫師程嘉應，跟何廣沛有一段青梅竹馬的感情。這次角色甚為討好，網民讚她演技出色，增加不少觀眾緣，成功吸粉。她接受《晴報》訪問時表示，十分開心得到認同，尤其是行內人、工作夥伴的讚賞，更為感動，深感自己的努力獲得認同，她說：「我同其他藝人都一樣，每次演出後都會覺得自己有不足之處，每次都會覺得下次可以再做好啲。即使今次有好多人讚，我都覺得有啲位可以再仔細啲！」
貝遊歐洲丨蔡思貝示範連身泳衣都可以好性感 激動落淚：我唔係做緊我自己【下一頁】
貝遊歐洲︳蔡思貝泳裝賣性感可惜被彈太嘈 網友望黃翠如J2新節目交換【下一頁】
蔡思貝曾經合作的男演員，包括：王浩信、鄭俊弘、羅子溢、陳展鵬、洪永城、周志文、張振朗、徐肇平、余德丞等人，皆傳緋聞，她被封為「人肉發電機」。這次幸運地沒有跟對手傳出緋聞，是喜訊，她十分開心，沒有花邊新聞的影響，觀眾可以全心全意享受睇劇的樂趣，「我其實冇好耐（緋聞）喇！大家睇我感情生活好似精彩，真實一啲都唔係。大家覺得程嘉應同辜清勁（何廣沛 飾）CP感好強？好想佢哋一齊？觀眾投入角色處境就足夠了！」
蔡思貝面對的是非新聞、負評可能厚過一本牛津詞典，這次拍攝《你好，我的大夫》，有觀眾有網民讚，加上行內人、工作夥伴認同，更為難得，同時仍然有一小撮反對派繼續狙擊，聲言見到蔡思貝就要「熄電視」，她感無奈地說：「慣咗喇！有啲人網上留言話成日見到我（在電視上）？其實對上一齣劇已經年幾之前，有啲人例牌見到蔡思貝個名，或者任何標題都會Comment，變咗係Defalt（默許）嘅事，好彩而家有人幫手發聲，為我護航，真係好感動。我就繼續努力做好自己，好簡單道理，用作品說話！」
蔡思貝坦言受到抨擊，心情難免受到影響，起伏很大，「心情Keep住有沉吓浮吓，沉吓又浮吓，只係當沉到一個地步就要話畀自己知，『要浮番上嚟嘞！』但跟住又被打沉番......我唔會畀自己放棄，幾痛苦幾沉都好，逐小步逐小步都躝番上去！」曾經有段時間，她不斷逼自己去改變，去迎合別人的想法，始終這不是最佳、最健康的做法。她甚至希望與討厭她的人面對面，「好想兜口兜面問佢哋點解咁憎我？討論一下，我都想知可以點改善。」
當蔡思貝受到網路言論惡意批評，被打沉的時候，若沒有工作在身，便會「避人世」，不吃、不玩樂，收埋自己與世隔絕，朋友們早已習慣她會突然「人間蒸發」。2月6日出世的她，坦言自己都似「愛哭的水瓶座」，遇不快都會哭出來發洩，甚至都會跟閨密分享心事。
她加入娛樂圈後，認識了較多藝人朋友，大家「同聲同氣」易明白易感同身受，她會向她們哭訴：「我都會多愁善感，大把時間（情緒）低落，有時都會搵人喊吓，圈內有班朋友，大家守望相助，佢哋會幫助我釋懷，輪到佢哋呻嗰陣，我又會調轉以第三者角度幫佢哋解決問題。」
亦因為感性易哭的性格，有利於演戲。她演出的劇集都有喊得好淒涼的情節，由《衝線》柔嫰雞仔聲至《鐵馬戰車》、《大帥哥》和《踩過界》等，可見演技上的進步，尤其喊戲更是用心的演，令觀眾動容，她表示：「每次要喊，我都想做到唔止簡單流眼淚，我想感動人，呢點好難做到。今次劇集入面有唔同層次嘅喊，嘉應回憶同辜清勁小朋友時候，嗰種喊就好似小朋友傷心，純粹地喊。當我見到病人冇咗BB，勾番起自己經歷，嗰種喊法要有種痛。我落力演，等感同身受嘅觀眾可以有抒發渠道。曾經有位不幸難產嘅媽媽，睇完劇話我知，因為我嘅演出，抒發到佢藏喺心內的痛苦。」她自有一個人生百味架，牢記曾經遇過的各種「傷痛」，留待拍劇演出的時候使用。
蔡思貝跟湯洛雯、王君馨、楊秀惠傾得埋之外，又與陳瀅、賴慰玲、陳嘉寶、Cheronna（吳嘉熙）同何雁詩六人啱Key，合組女團SÏXTERS。近來與陳曉華、陳明熹又變成老友，啱Channel接通了，她表示︰「我都有同小學同學聯絡，但係兩個世界啦，我哋生活模式唔一樣，佢哋諗法簡單啲，好平和，有時好難向佢哋解釋我嘅情況。我同圈中嘅閨密傾偈，大家互信，我可以打開肚皮乜都話佢哋知。」意想不到外表剛強的蔡思貝，笑言SÏXTERS中自己是下靶位，常被取笑，常被照顧呵護。
撰文：王連連
攝影：林賓尼
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】