蔡思貝、何廣沛、吳偉豪、孔德賢、許俊豪、關嘉敏、謝雪心、關楓馨等，今日（24日）在觀塘為無綫劇集《你好，我的大夫》宣傳，吸引不少觀眾到場支持。蔡思貝姍姍來遲，遲了22分鐘才到場，至於近日傳出搭上圈外富貴男友而脫貧的游嘉欣和區明妙雙雙臨時缺席活動，就連被傳閃婚的陳嘉慧亦避席。
同場加映：尹光愛玩乜都試誓要唱到90歲 「廟街歌王」籲政府搞旺夜市自救
大會首先安排谷婭溦上台獻唱劇集片尾曲《不會道別》，可惜她忘記歌詞，公然邊唱邊看貓紙，事後谷婭溦說：「真係唔好意思，我唔記得歌詞，我唔想唱錯！」席上，眾演員玩射燈籠，再按照燈籠上的字句，完成任務。何廣沛抽到「公主抱」，要抱起蔡思貝，他笑說：「好彩係思貝啫，如果抱關嘉敏點算呢？」然後問蔡思貝：「係咪你公主抱我呀？」蔡思貝二話不說紮起馬，示意可以抱他，其他演員立即上前讓何廣沛借力，所以蔡思貝表現輕鬆！另外，劇集編審黎倩儀率領一眾演員，公布《你》劇首周七天跨平台總收視最高23.1點，有149萬觀眾收看。
你好，我的大夫丨陳嘉慧誤會吳偉豪手指探肛正骨 女神訓練班片單眼皮認佢唔到？【下一頁】
受訪時，蔡思貝解釋因為兜錯路而遲到。對於劇集演員「多戀事」，蔡思貝說：「疑似啫？如果係就恭喜佢哋啦，女仔拍拖都開心嘅，原來我哋呢套劇都幾旺場，收視口碑唔錯，我都好開心，好感恩。」
對於陳嘉慧早前突然與緋聞男友許俊豪劃清界線，有傳她另結新歡，並火速與新男友閃婚，問許俊豪說有沒有八卦陳嘉慧，他說：「我係一個局外人睇成件事，作為同事、朋友，希望大家畀多啲空間佢處理吓呢件事，（局外人？你係佢緋聞男友？）我哋同一個經理人，大家一齊傾點樣去宣傳，所以嗰段時會比較多啲聯繫，（夾緋聞？）係為咗套劇宣傳，（宣傳完突然被對方劃清界線？）呢年我都unfollow好多人，因為想專心工作，大家見到面都係同事、朋友，唔會尷尬。」
你好，我的大夫丨何廣沛獨力撐宣傳晚晚開LIVE 怪手指意外成網友討論焦點【下一頁】
此外，提到吳偉豪日前與《愛回家》演員到廣州宣傳迎中秋，他表示對粉絲的熱情感到很震撼，問他是否想賺「人仔」？他笑說：「呢啲唔到我決定，有工作就做好佢。」對於有網民指他跟韓星李敏鎬撞樣，吳偉豪笑說：「我入行嘅時候，啲人話我似吳彥祖，我都可能覺得有啲似；而家有人話我似李敏鎬，我開頭唔係好覺，直至有個friend send張相畀我睇，我睇完覺得有人將我嘅五官key咗上去，因為而家有AI生成圖，呢個真係李敏鎬，睇完呢張相都覺得有啲似。（怕唔怕李敏鎬fans嬲？）唔會嬲吖嘛？I'm sorry，I don't know唔知可以講啲咩，我都唔想㗎！」問到《愛回家》劇情有沒有新發展？吳偉豪透露與Candy的感情線會有起伏，亦會跟周嘉洛繼續「安凌CP」，「有一集講我會養佢，不過都要成個月後先播。」
採訪：黃曉妍
攝影：林嘉銘
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】