你好，我的大夫︳「Ed師兄」不敵病魔離世勁催淚 孔德賢感恩角色入屋有發揮

由蔡思貝、何廣沛、陳嘉慧、吳偉豪、游嘉欣及孔德賢等合演劇集《你好，我的大夫》，這晚（6日）劇情可謂勁催淚。當六君子及班漢（李紹堅 飾）得悉Ed師兄時日無多後，眾人心情已十分沉重，但為了配合Ed師兄樂天性格，祈望在祝捷會開心的情況下送別摯友；席間強裝開心玩「忍笑遊戲」，企圖驅散內心愁緒，但輪到Ed師兄利用肚皮上的疤痕畫成哈哈笑人像搞gag時，大家終忍不住淚崩。後來因意外觸發診所的消防灑水系統，在有了「掩護」的情況下，眾人敞開心扉盡情擁抱哭別，場面感人。Ed師兄雖然同麥寶（區明妙 飾）甜蜜拖手仔，但最終不敵大腸癌而離世。

同場加映：

你好，我的大夫丨游嘉欣唔怕捱為年輕演員爭口氣 吳偉豪孔德賢甩「翻版」獨當一面

{{hket:ul-video id="9250"}}{{/hket:ul-video}}

{{hket:inline-image name="37.jpg"}}{{/hket:inline-image}}

{{hket:inline-image name="26.jpg"}}{{/hket:inline-image}}

{{hket:inline-image name="30.jpg"}}{{/hket:inline-image}}

孔德賢事後受訪時指這場戲好難忘，「大家心入面都知道係farewell，但大家都唔想提呢個字，因為知道一講出口就會好唔開心。拍嗰日咁啱係中醫診所個景最後一日，我哋喺嗰個廠stay咗成個月，大家都唔捨得個環境，加上又好投入大家之間嘅關係，所以拍到一半都未入戲肉，大家都已經眼濕濕想喊，我自己都激動到要匿埋喺針炙室消化咗成個鐘，全程強忍住淚水，亦唔畀自己見到佢哋，因為一見到就會好崩潰，而我亦知道一喊出嚟就收唔到聲。」

你好，我的大夫︳吳偉豪同李紹堅拍咀嘴戲勁尷尬 收劇本好驚訝：唔敢睇playback【下一頁】

提到昨晚虛弱臥病在床一幕，孔德賢坦言因投入了120%真實感情，「我問自己如果真係離開呢個世界嘅話，屋企人會點，然後我就忍唔住真係喊咗出嚟。嗰日我真係好感動同傷感，我拍戲咁耐未試過用咁真摯嘅情感拍，嗰場戲最終一take過完成，既開心又難忘。」

你好，我的大夫丨彭晴望撞後腦網友估係劇情伏筆 劇照先爆眾醫師去喪禮有人要死？【下一頁】

對於今次角色很入屋，他說：「我做演員有個目標，就係希望做嘅戲可以感動到人，好感恩呢套劇好有發揮，我成套劇亦係本住『以生命影響生命』呢個核心思想演出。呢個角色同我自己都有啲相似，因為我本身都係好鍾意𠱁身邊人開心。」

（↓點擊圖片放大↓）

網民對於Ed師兄離開也感不捨，「雖然話日子係賺番嚟，不過真係慘，仲諗住佢同阿寶可以sweet多陣」、「佢做得好好，唔捨得佢」、「好人都係唔長命」、「阿Ed安息，期望孔德賢有更多演出機會」、「好催淚，Ed師兄扮飲檸檬茶已經開始喊」、「彭醫師（Ed）嘅手術傷痕，見到都痛」及「呢幾個年青演員真心齊心做齣好戲，由笑變喊再強忍，真係考演技，全體都做得好。」等。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組

圖片：大會提供