紮職2︳陳家樂爆老婆連詩雅入場捧偶像 慘被冷落：你自己知自己事

黃宗澤（Bosco）、張繼聰同陳家樂近日為有份主演的電影《紮職2》，連跑7場謝票宣傳造勢。當中陳家樂老婆連詩雅（Shiga）也有幫手，在社交平台上的限時動態內，上載一張戲院內播放完電影《紮職2》的相片，見到三位男主角之餘，她更寫上「預祝票房大賣」，給人感覺勁sweet。不過陳家樂之後就玩大踢爆，轉發老婆這個限時動態並寫上「多謝支持，好似第一次黎（嚟）睇有我既（嘅）戲。#定係睇你偶像？#你自己知自己事」，醋味勁濃。

同場加映：

中島美嘉愛與4貓傾訴減壓療癒 多變形象喜能體驗Drag Queen文化

{{hket:ul-video id="9321"}}{{/hket:ul-video}}

{{hket:inline-image name="IMG_5843.JPEG"}}{{/hket:inline-image}}

{{hket:inline-image name="T201_2036.jpg"}}{{/hket:inline-image}}

陳家樂事後指Shiga並不太喜歡看他的戲，首映當日是首次入場看他主演的電影，「因為可能我多數嘅戲都係愛情片，今次難得嘅一套江湖片我係冇感情線，所以就好主動話要嚟睇。」但他又覺得老婆並非捧自己場，「其實佢（連詩雅）係嚟支持佢嘅偶像Bosco，佢係好鍾意睇Bosco嘅戲，佢一瞓唔着覺，就會開電話、開電視睇番Bosco嗰啲劇，《溏心風暴》1、2、3。所以我都好熟Bosco㗎啦，好似成日見咁樣，哈哈!」

紮職2丨新戲夥黃宗澤張繼聰重現江湖兄弟情 陳家樂剃頭演霸氣古惑仔：身邊人都驚【下一頁】

至於是否呷老婆醋？家樂就話冇，因為自己亦有自己偶像，「咁唔通佢（連詩雅）又呷醋咩，哈哈…，唔緊要吖，佢咪嚟睇囉，最好叫晒佢啲親朋戚友、fans去睇，支持套戲就得㗎啦，《紮職2》加油！」

（↓點擊圖片放大↓）

黃宗澤對於「介入」陳生陳太之間，他坦言曾擔任「陳太」Shiga主持的網上節目《絲打圍爐》嘉賓，「嗰陣時佢（連詩雅）都有同我講，話佢好鍾意睇我嘅戲，我有問佢『咁家樂知唔知㗎？』，哈哈，佢話『緊係知啦！而家最愛我老公！』哈哈，兩個成日喺我面前曬命，show恩愛。（Shiga專登去首映捧場）要多多支持，既然陳太咁捧我哋場，應該自己出錢用佢老公名義買10張飛，用我名義買5張，支持吓我哋。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組