紮職2︳周勵淇演江湖大嫂唔使講數劈友 黃德斌加跳舞戲顯夫妻角色恩愛

由周勵淇（Niki）、黃德斌、黃宗澤、張繼聰及陳家樂等合演的港產江湖片《紮職2》，將於下月5日正式上映。戲中周勵淇飾演另類江湖大嫂，雖然出身於黑社會家族，老公黃德斌亦是江湖大佬，但她只想簡簡單單過生活；直至老公發生意外後，才正式落指示要黃宗澤、陳家樂為其辦事。

同場加映：我的天堂城市｜A0姜濤愛食「花生」聽戀愛史取經 李嘉文認藝人避忌多難公然拍拖

{{hket:ul-video id="9208"}}{{/hket:ul-video}}

{{hket:inline-image name="skllme20230914117.JPG"}}{{/hket:inline-image}}

{{hket:inline-image name="T214_0111.jpg"}}{{/hket:inline-image}}

{{hket:inline-image name="T210_0169.jpg"}}{{/hket:inline-image}}

周勵淇同黃德斌入行多年，今次才算是正正式式合作，更是周勵淇初次飾演江湖大嫂，「江湖片都好似係第一次拍，未接觸過呢個題材，都想嘗試吓，幾好玩。呢個角色嘅爸爸都係江湖大佬，係黑社會家族度出世，所以揀個老公都係江湖大佬，脫離唔到呢個圈子，想簡單啲生活都唔得。（要霸氣講對白或粗口？）唔使，我唔係一個江湖人物，只不過係家族關係，我只係想簡單生活，唔想參與家族嘅嘢，但係無奈地冇辦法，到最後仲要做一啲抉擇，所以唔需要好霸氣。」

紮職2丨新戲夥黃宗澤張繼聰重現江湖兄弟情 陳家樂剃頭演霸氣古惑仔：身邊人都驚【下一頁】

有豐富拍江湖片經驗的黃德斌，在戲中竟然要唱歌跳舞，令人意想不到。黃德斌笑說：「對於劇情上係幾有意思，首歌都幫到手，我個角色嘅下場係幾悲涼，佢同三兄弟好有情義，同老婆充滿愛又好浪漫色彩。因為佢唔係歌手，唔需要練到好好，即場發揮就夠。（平時鍾意唱歌？）唱歌就少，聽歌就多，以前都夠膽去登台，而家都少咗。（登台有自己飲歌？）梗係有，但嗰隻歌唔適合登台，如果命運能選擇…（即劇集《天與地》片尾曲《年少無知》），係咪先？（同周勵淇街頭跳舞拍攝好順利？）呢場戲係我刻意去度，導演好好都畀我哋創作空間，係我提出跳舞，因為我哋其實篇幅有限，即係我哋有幾愛？有幾恩愛？係咪可以呢場畀我哋多少少空間呢？亦可以浪漫化，令之後反差會大啲，於是選擇咗咁嘅形式，載歌載舞。」

{{hket:inline-image name="T215_0509.jpg"}}{{/hket:inline-image}}

{{hket:inline-image name="T208_0430.jpg"}}{{/hket:inline-image}}

紮職2丨黃宗澤張繼聰陳家樂聯手抗敵 首日開工水中打架經歷生死【下一頁】

對於拍檔的即場舞技？周勵淇表示：「其實嗰場戲係佢飲醉酒亂跳舞，我就去照顧佢，叫佢唔好跳，喺馬路會好危險，知道佢飲醉就保護佢，點知真係畀車撞……嚴格嚟講唔係跳舞，只係佢飲醉酒。（有期望拍講數場面？）都想挑戰呢類型角色，冇試過『殺你全家』嗰啲角色，但一開始畀我睇劇本已知道唔需要嗰種味道，但後尾佢出事要幫佢報仇，就有嗰種態度出嚟，佢哋就知道阿嫂要我做嘢……又唔需要演繹到大家姐，本身角色已經係好高地位，唔需要爭取上位去劈友，我係冇嗰啲劇情，女仔又好少有呢啲戲，通常都係由男人去做。」

{{hket:inline-image name="skllme20230914104.JPG"}}{{/hket:inline-image}}

{{hket:inline-image name="skllme20230914105.JPG"}}{{/hket:inline-image}}

（↓點擊圖片放大↓）

提到這齣是她產後復出的第一套作品，周勵淇回憶起當時仍在疫情期間，自己也有些擔心，始終屋企有小朋友同老人家，幸好劇組好自律會戴口罩，「每日拍完戲返屋企都會消毒同戴口罩，個仔都見慣我戴口罩。記得嗰時最擔心體能，因為作息比較規律，但呢套就日日都夜戲，記得第一晚通宵拍已好眼瞓，第2、3晚就開始習慣番。（會否再追多個小朋友？）第一個都係拍緊戲唔覺意有咗，呢啲都係順其自然！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：梁榮達

攝影：林良明

周麗淇：

髮型: @hugo_poon
化妝: @vinciwinki 
服裝: Harvey Nichols
飾物: Apmmonaco

黃德斌：

髮型/化妝: Kelly Mak @Headquarters

場地: 尖沙咀iSQUARE英皇戲院