《枱底隧道》丨孫佳君為MV跳性感Chair Dance 保錡即抄牌 肥仔錯過觀賞位飲恨

男子組合ERROR昨日推出今年首支團歌《枱底隧道》，大談ERROR與別不同的愛情觀，分別是肥仔（梁業）的錯戀、阿Dee（何啟華）的畸戀、193（郭嘉駿）的苦戀和保錡的禁戀。新歌MV由曾執導《流氓師表》的麥啟光操刀，竟然找來近年已淡出幕前的孫佳君擔任MV女主角。

同場加映：TONE Music Festival丨張天穎Lolly Talk冷靜與熱情之間 懶理競爭見證對方成長：感動起雞皮

{{hket:ul-video id="9128"}}{{/hket:ul-video}}

{{hket:inline-image name="15.jpg"}}{{/hket:inline-image}}

{{hket:inline-image name="04eba2e61a78c1822cffd5b494b8b335.jpg"}}{{/hket:inline-image}}

原來在拍MV的前一晚，ERROR才知道孫佳君擔演女主角，保錡說：「梗係呆咗啦，因為不嬲都有睇開佢啲戲，同埋佢真係好靚，嗰個年代嘅美人，而家呢個年代睇都係好美，嗰個靚唔係可以用筆墨可以形容到。」豈料保錡遭肥仔踢爆：「我哋以前成日會睇孫小姐嘅作品，但保錡最厲害，不停講孫小姐嘅作品，但全部錯晒，人哋冇拍過嗰啲，佢以為人哋有拍，全部噏出嚟，嗰個moment笑到暈低。」

陰目偵信丨保錡投訴拍檔太重搞到韌帶撕裂 肥仔大膽要求真咀阿正 慘食檸檬【下一頁】

原來保錡擺烏龍一直認錯人，「我成日都以為佢同劉嘉玲係同一個人，有少少尷尬。我同孫佳君老師交換IG同電話，有傾有講，同唔同前輩傾偈，學習到佢身邊嘅嘢，其實係好開心，幫到自己喺呢個行業行走落去。」拍攝當日，保錡非常雀躍跟孫佳君交換IG，在旁的193開整蠱玩笑說：「P0K1（保錡IG）嗰個可以unfollow。」保錡勁緊張表示：「唔係，唔係！fat（肥仔IG）嗰個撳unfollow得喇！」193加把嘴笑說：「block！block！block！」孫佳君撳住心口說：「搞到我好緊張呀！」

{{hket:inline-image name="12.JPG"}}{{/hket:inline-image}}

{{hket:inline-image name="13.JPG"}}{{/hket:inline-image}}

孫佳君在MV中不只演戲，還有大跳高難度性感Chair Dance，肥仔笑說：「我哋只知道佢拍嘢，但唔知拍乜，當時仲喺化妝間休息緊......我哋知得太遲，早講吖嘛，如果唔係一早衝咗埋去睇啦大佬，導演又係嘅，自肥又唔講聲。」孫佳君表示：「希望大家唔好笑我跳得唔好，哈哈！」

ERROR演唱會尾場│Dee哥壓力太大引爆神經病毒 古巨基主動「派撈」邀四子合作【下一頁】

{{hket:inline-image name="10.JPG"}}{{/hket:inline-image}}

對於今次同ERROR四子合作，孫佳君表示：「同佢哋4個合作，感覺年輕咗，佢哋好可愛，好有energy又不停講笑，好得意呀佢哋。其實我一直都好想參與MV演出，多謝導演嘅邀請，能夠同四個咁勤力又可愛嘅年青人合作，好lucky，亦係好難忘嘅體驗。」《枱底隧道》昨日推出，正正就是孫佳君生日，保錡在IG出post賣口乖勁讚孫佳君，「今次MV勁開心，邀請到孫佳君前輩，真係超級超級無敵靚，人生又一次成就解鎖。PS：今日是孫佳君前輩的正日生日，祝你生日快樂，感謝你拍我們的MV，Love beautiful！」孫佳君留言回他：「同你哋一齊拍MV真係好開心，笑到我肚痛。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】