ERROR四子肥仔（梁業）、DeeGor（何啟華）、193（郭嘉駿）和保錡（吳保錡）首個演唱會《明星生活 ERROR LIVE SHOW 2022》，一連四場演出，昨晚在九展圓滿結束。台上和台下繼續星光熠熠，台下有半隊MIRROR成員，包括剛染了一頭銀髮的呂爵安(Edan)、王智德(Alton)、邱士縉(Stanley)、邱傲然(Tiger)、 李駿傑(Jeremy)和陳瑞輝(Frankie)，還有葛民輝、森美、盧覓雪、鄧麗欣、王丹妮、廖子妤等捧場，更有古巨基擔任尾場壓軸表演嘉賓。
同場加映：百萬同居計劃丨練美娟夥拍型男黃德斌做夫婦 朋友勁羨慕：我終於甩難喇
連日來，他們表演時都不忘分享感受，193為之前網站賣貨與客有爭議，以「燒畀你」回應事件道歉後，尾場他在講感受時，突然有404（粉絲稱號）衝向台前送花，當193發現是「銀紙花」後即說：「出嚟攞返，陰司紙我就要，銀紙唔要。」但「口臭」本色不改，笑言Fans孤寒，只用了10、20元來摺花。不過他亦有感性的一面，分享感受時多次忍不住淚水。四子輪流在台上分享感受，感觸地謂由初出道無人欣賞，當年在麥花臣開騷連MIRROR都幫不到他們增加售票率，直到現在一票難求。四子笑言一心諗住𢲷撈竟變成「獲派撈」，得償所願，又謂由當初的「免費雞」，到今次音樂會有售網上門票，變成「電子雞」。
晚吹戀講嘢丨鍾雨璇大爆為乖仔男友洗底褲 靠分泌物污漬竟成功揭發出軌？【下一頁】
193膽粗粗邀客串新歌MV Do姐：有理由相信你係暗戀我【下一頁】
何啟華在阿Dee talk「娛樂圈血淚史」，提到初入行時寂寂無名，一次玩遊戲贏了一噸啤酒，可惜飲不到，令他想到剛贏得世界盃冠軍的美斯，身在下禁酒令的卡塔爾，想慶祝亦無法舉杯暢飲，他說：「I know that feel bro！」隨後保錡唱完《羅曼蒂克衰亡史》，提到入行幾年的感受：「做咗幾年最想做音樂，好開心唱到自己嘅作品畀大家聽，我好想攞獎，不過人貴自知，未來十年應該攞唔到，我想借個台同舒文講多謝，佢為我嘅人生做咗兩首派台歌，其中一首《猥瑣》係人生代表作，冇《猥瑣》就冇人聽到我唱歌，雖然主題有啲『神』，我鍾意，吹咩！」保錡回想入行前經常被睇低，因此令他發奮要令自己更強大。
至於演出嘉賓分別有小肥與古巨基。保錡揭露當年參加比賽，肥仔被淘汰的原因是因為小肥，故今晚請小肥來報仇；肥仔更笑指若今次不能一雪前恥，便會退出ERROR。不過後來就指小肥是他們心中很重要的人物，因為沒對方淘汰，就不會有今天的ERROR，而MIRROR則會變成16人。獻唱《Am I crazy》時，肥仔又因歌詞而感觸落涙，193錫了他一啖安慰。至於作為壓軸嘉賓的古巨基，與全場大合唱《勁歌金曲》，令全場觀眾企起身。古巨基再跟年輕後輩合作，他笑說：「好high，估唔到一首慢歌都企起身。」他更乘機找眾人合作：「我喺後台諗《勁歌金曲》係上一代歷史，你哋有冇興趣為呢一代金曲做總結?」他還鼓勵四子做一隻歌，答應會在他的合作計劃中加入ERROR，令四子興奮不已。保錡笑言：「諗住𢲷撈，點知派撈。」
開騷前，193不幸確診，雖然現時已康復，但就因失聲而要打類固醇開聲，他笑言頂硬上：「頂唔到都要頂，鬼叫你窮咩！每晚完show就開始好攰講唔到嘢，但見到台下啲人嗌，腎上腺上升連講嘢都大聲好多。」而表演環節中，其中一部分肥仔一口氣唱多首郭富城的快歌，他承認是向對方致敬。阿Dee又自爆因開騷太大壓力，故手上生滿粒粒：「我搞唔掂，真係要唞吓，醫生話係一種神經病毒，精神壓力、身體免疫力唔平衡。」所以三人都覺得夠喉不用開part 2，只得193希望再次有演出滿足自己。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
採訪：Pauline