ERROR自爆96小時丨保錡難忘船上大解暈船浪 193投訴似集中營：20個人得4間房

ViuTV全新節目《ERROR自爆96小時》將於周日（13日）晚上8時30分首播。ERROR成員肥仔（梁業）、阿Dee（何啟華）、193（郭嘉駿）和吳保錡出道4年，當中面對不少風浪，4子早前就登上「ERROR號」遊艇，展開4日3夜的旅程。

同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生

{{hket:ul-video id="6929"}}{{/hket:ul-video}}

{{hket:inline-image name="90.jpg"}}{{/hket:inline-image}}

今日他們在記者會上，大談相處96小時後，各成員需要改善的缺點，肥仔即指有人要改善遲到的習慣，193說：「好似講我喎，肥仔，你嘅早到問題好嚴重，你一定要準時，call 7點就要7點正到，如果你早到嘅話，即係你唔準時。」保錡接著說：「心理學角度嚟講，佢早到係有強迫症，佢令到化妝師、拍嘢嘅人好大壓力！」193十分認同保錡所言，指肥仔有強迫症應該要看醫生；不過，他們指肥仔亦有優點，就是經常請大家食飯。保錡又表示要分享冷知識，指最暈船浪是在大解時，193說：「無時無刻都怕會反彈番上嚟，因為真係好大浪。」

{{hket:inline-image name="93.jpg"}}{{/hket:inline-image}}

{{hket:inline-image name="92.jpg"}}{{/hket:inline-image}}

周日首播丨ERROR四子遊艇生活96小時 擺8點半播誓撼曾志偉獎門人【下一頁】
對於《ERROR自爆96小時》被安排在周日晚8時半播出，與無綫《開心無敵獎門人》正面交鋒，阿Dee說：「吓！有啲咁嘅事咩？冇諗過喎！」保錡指一切都由公司安排，193直言反而想在11點半、12點半後播，可以舒服一點，做回自己；阿Dee表示認同：「可以滿足到觀眾對我哋嘅預期。」問到是否要幕後「嘟」走粗口？193說：「我聽講冇得『嘟』，嗰啲（粗口）直情唔出，因為8點半係唔『嘟』得，未睇過，都未剪好。」

{{hket:inline-image name="91.jpg"}}{{/hket:inline-image}}

{{hket:inline-image name="94.jpg"}}{{/hket:inline-image}}

肥仔@ERROR認與女友阿芬復合 爆隊友秘密：保錡鍾意細胸【下一頁】

保錡指今次96小時一直無休止拍攝，就連鬧交也被一一拍下，「食、瞓、痾，都被人錄低晒。」肥仔說：「我哋喺房唔著衫都錄低晒，今次有女仔先著褲，平時花姐喺度我都唔著。」提到有網民要求原汁原味的版本，他們表示亦很想做到，但可惜因時間、資源問題而無法完成。肥仔透露今次籌備時間只有兩星期，「開頭仲點我哋，話架船係豪華郵輪，睇相係有游泳池、按摩池......」阿Dee接著說：「𠱁完我哋就話嗰架郵輪未裝修好。」193說：「而家好似集中營，20個人得4間房，4間房仲要雙人床，點瞓呀？勁多人瞓地下。」

193郭嘉駿@ERROR品評隊友肥腩蘿蔔腳冇貴氣 網民熱切期待：請改造花姐【下一頁】
問到193在節目裡爆喊？肥仔表示193有很多愧疚感，阿Dee指今次是一個沒有修飾的真人騷，全心全意跟觀眾交流，「希望大家願意打開道門，去了解ERROR除咗搞笑之外，形象曳曳哋，但4個背後嘅腦究竟諗緊啲咩，喺團體中擔當嘅角色，大家嘅價值觀。」

{{hket:inline-image name="287115770_770266684338239_1644215734008775761_n.jpg"}}{{/hket:inline-image}}

此外，ERROR將於12月16至18日假九展舉行棟篤笑演唱會，他們指肥仔最希望請到偶像郭富城擔任表演嘉賓，阿Dee表示不會請MIRROR，193笑說：「阿Dee講㗎，我好尊重MIRROR每位成員。」他們更叮囑fans不要買黃牛！

採訪：黃寶蓮
撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】