鄭裕玲遊日本被後輩狂質疑火都嚟 Jeffrey讚年紀 樣貌似細路女狂冧補鑊

由鄭裕玲主持的HOY TV全新旅遊節目《去邊啊Do姐》，聯同五位人氣男神林家謙、魏浚笙（Jeffrey）、Tyson Yoshi、 洪嘉豪及應智越（細貓）玩轉歐亞，於9月4日起每晚播出。

同場加映：怨泊｜何超儀求專業演出唔理老公彈醜樣 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

{{hket:inline-image name="7.PNG"}}{{/hket:inline-image}}

剛播出的（7日）一集，Jeffrey與Do姐品嘗即造和菓子，又試盡日本各款米飯。旅程中，Jeffrey對自己的飲食知識非常有信心，又指導Do姐進食時的注意事項，但用詞比較貧乏，品嚐食物時只循環使用「濃郁」、「淡」等詞來形容。

{{hket:inline-image name="6.PNG"}}{{/hket:inline-image}}

去邊啊Do姐丨林家謙獲鄭裕玲親自擔遮侍候 Do姐拒浸溫泉：聽講你係衣冠禽獸【下一頁】

口水多過浪花丨鄭裕玲周潤發CP點解冇撻着？ 成龍尊重Do姐當兄弟：冇食我豆腐【下一頁】

Jeffrey與Do姐相約在東京日本橋見面，勤力的Jeffrey一見面就「自動波」介紹江戶歷史，又解釋自己為了尊重歷史，特意以一身復古風藍色西裝赴約。二人到日本橋一間老店，品嚐現場即製新鮮和菓子。Jeffrey甫坐下就拋書包，講解「生和菓子」是指水分高達30%的和菓子。兩人吃過白豆沙和菓子，Do姐問Jeffrey「白豆沙比紅豆沙係咪淡啲？」，Jeffrey回答：「唔係，紅豆沙濃啲」，搞到Do姐都聽到一頭霧水，「咁我講淡啲有咩唔啱？」，Jeffrey就指導Do姐「應該用清澈形容！」

二人又品嘗以玄米做主題的和食套餐，Do姐主動向Jeffrey「請示」飲食次序，表示想先由濃味食物開始，但就被Jeffrey一口否決：「唔得！Do姐，我哋應該由淡食到濃」。Do姐又問Jeffrey菜式是否鮮味，Jeffrey卻只回應「唔係」，搞到Do姐都有少少激氣：「我樣樣你都話唔係，你唔使問我啦」，又感嘆Jeffrey「講嘢好似玄米一樣，好多水分」。最後Jeffrey與Do姐總結旅程，Jeffrey賣口乖，大讚Do姐好young，「好似同細路女溝通，係細路女樣貌，智慧就十分之高超」，Do姐當然「冧晒」，又回敬Jeffrey：「好英俊，但原來好有趣，完全無偶像包袱」，二人相約日後再遊日本與富士山合照。至於明天播出的第五集有「院長」洪嘉豪登場，與Do姐遊德國。

撰文：王連連

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】