鄧兆尊笑港姐亞軍王怡然雙面人 勸真性情殺血路：做八婆包你紅

鄧兆尊今日以嘉賓身分參與「田豪祖3寶」YouTube Channel的節目，其中一個話題圍繞近日討論度極高的「2023香港小姐」。事關冠軍莊子璇、亞軍王怡然及季軍王敏慈賽果出來之後，出現不少落選佳麗不服的聲音，繼而有爆料指王怡然父母在內地騙走鉅款潛逃香港，王怡然回應事件時一度爆喊，可憐的小女孩...轉個頭就被網友踢爆她刪走的一條小紅書片，片中「Mean精」上身大鬧香港餐廳的服務，期間反白眼又表情多多，相當肉緊。

同場加映：

破毒強人｜郭柏妍嘆追求者約睇戲後冇下文 唔急破「A0」羨慕丁子朗身邊多靚女

{{hket:ul-video id="9008"}}{{/hket:ul-video}}

田豪祖3寶丨鄧兆尊爆明星足球隊賤招整蠱隊友 三女友習慣不同：自己攞嚟唔好呻【下一頁】

{{hket:inline-image name="3238b3ad-1068-4d26-a723-88c6df77fe41.jpg"}}{{/hket:inline-image}}

主持人王耀祖、貴花田將相關的片段播出，鄧兆尊睇得扁晒嘴，他表示：「嘩，好嘢，真犀利，如果佢現場表演用呢個方法演，冠軍佢攞咗啦！」貴花田笑言決賽當晚，王怡然應對時一緊張就用英語而並非片中的流利普通話，兆尊說：「呢啲咪就係家教囉，雙面好厲害，好多靚女一開口冇晒分啦，呢啲呃唔到人，正所謂『天知地知互聯網知』，唔好亂咁拍嘢呀後生女！」兆尊搞笑稱自己身邊的三個女友都不是美女，「如果我要搵靚女大把，但呢啲性格係咁，點捱呀？所以我唔要喇，多謝！幾靚都好，反轉咗就...」

貴花田直言影片中跟她參賽時的樣子實在差天共地，相當震撼，不少網友即時留言議論紛紛，兆尊說：「冇所謂啦，經一事長一智，將來盡量拍少啲，或者食住呢個水，做雙面（人），一定會好出位。丑生永遠冇咁難爭，去做八婆呢個位，包你紅過冠軍好多，食住上，真呀！苑瓊丹都係咁，又靚又係八婆真係好少，香港人就係鍾意睇真面目。」

田豪祖3寶丨鄧兆尊爆男星偷食被狗仔隊捕到 急Call幫手到場頂包帶走女艷星【下一頁】

{{hket:inline-image name="e7.jpg"}}{{/hket:inline-image}}

提到不少落選佳麗說話多多，不止承認黑面不服賽果，更疑似暗寸冠軍莊子璇，兆尊笑言：「提議簽約嗰陣加多個條款落去，唔准亂講嘢，唔准黑面，如果唔係就罰款一百萬，咁TVB好快就有盈利！唔好亂講嘢，講錯一百萬！而家選美貌同智慧嘛，唔係選性格，性格差唔代表要扣分。」

兆尊更鼓勵14號陳怡名兌現承諾爆料，他說：「商機嚟呀14號，盡爆，賺番多啲Followers，賺番多啲錢，攞番安慰獎，都係好事。」

{{hket:inline-image name="VCG111449541489.jpg"}}{{/hket:inline-image}}

{{hket:inline-image name="VCG111449540847.jpg"}}{{/hket:inline-image}}

內容來源：https://www.youtube.com/watch?v=B4sIt0QfyQ4&t=2216s

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組