鄧兆尊爆當年被臨時換走《飛躍》獎 認曾做鴨店導師被日女「點燈」

鄧兆尊近日再次作客為「田豪祖3寶」YouTube Channel開咪，他跟貴花田、王耀祖暢談網上熱話，其中一單網上流傳一條短片，內容是美女搭的士疑似遞上一千蚊紙搵「鴨店」，鄧兆尊自爆跟鴨店甚有淵緣，更被一名日本女士「點燈」。

同場加映：百萬同居計劃｜ 潔癖Anson Lo與曱甴共存頂硬上 Jer稱角色似卡通 同黃德斌齊爆肚

{{hket:ul-video id="7140"}}{{/hket:ul-video}}

田豪祖3寶丨鄧兆尊爆想紅就出入黃埔某酒店 主持追問：乜係「培訓」中心嚟呀？【下一頁】

{{hket:inline-image name="DUCK1.jpg"}}{{/hket:inline-image}}

鄧兆尊表示香港有鴨店，但絕對不是明目張膽，數量也不多。他大爆尖東某酒店地庫仍有，表示：「我有去過，因為係朋友開嘅店，佢邀請我去教班『鴨仔』，（教咩？）禮儀囉！點樣溝客。其實單嘢幾好笑，我去教啦，咁有個日本客人都幾靚女，指住我話，『我要呢件』，但我唔係嚟喎，我係嚟客串唔收錢㗎喎！我唔識日文嘛，冇辦法啦！」他表示「鴨仔」很少是香港本地人，大多數是「外援」，連化妝都要教他們，當年「泰國F4」幾乎笑到他抽筋。

{{hket:inline-image name="800_c66825d0572abc2781dce33a3a1a9c75.jpg"}}{{/hket:inline-image}}

鄧兆尊續說：「大家唔好諗心邪嘅嘢先，女士多數都係落去玩，見人跳吓舞就楔張銀紙咁樣玩吓，好開心，九成都係咁，（有冇邊度唔掂得？）邊度都掂得，不過啲人冇咁大膽，摸下手瓜就算，見到震波，平時老公冇呢啲，震一下就開心多啲！班『鴨仔』下半身基本上唔識郁，因為女性客人好斯文。遇到其他恐怖女性，見到都唔會有反應啦！」他又大爆鴨店「攞手袋」比女性「攞手袋」貴得多，所以很少會發生。

鄧兆尊爆ViuTV內部溝通有問題 被某台當水魚倒貼拍節目派錢【下一頁】

隨後，他們大談娛樂圈潛規則，傾到換獎話題，鄧兆尊稱自己都是過來人，當年憑《皆大歡喜》入圍「我最喜愛的飛躍進步男藝員」，他表示：「（頒獎禮）當日下晝已經知道答案，『你中咗喇』咁，直到臨夜晚開騷前，有個人同我講︰『不如你今年唔好攞住，畀阿邊個邊個拎先啦！』其實獎項對我嚟講，冇乜所謂，不嬲唔睇重名利。拍到好劇出嚟有觀眾睇，有人讚已經開心，我鍾意街上嘅人見到你開心，仲開心過攞嗰個獎！黃宗澤講句說話好啱，個獎唔識同我講嘢嘅！我冇所謂，畀嗰個人囉，最好笑係嗰個人係冇劇出㗎喎！（冇劇出都『飛躍』？）係呀！化妝師、髮型師班幕後好戥我唔抵，佢冇劇上攞個獎先大鑊！」

翻查資料，鄧兆尊於2003年入圍，當年得獎人正是林峯，不過當時他是憑《律政新人王》得獎，隨後平步青雲成為男一。兆尊沒有開名，他表示對方是TVB經理人合約，受到力捧，當年引發很多新聞。而近年頒獎禮設有投票機制，比較公平公正。至於「送禮」方面，兆尊笑爆一名「傻仔」男藝人，出席高層飯局時，竟然捧住大大部冷氣機做禮物，成為人家的笑柄。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉