無綫助理總經理(藝員管理及發展)樂易玲早前接受內地媒體訪問,表示將投放更多資源在藝員身上,力捧「新六生八旦」,包括張振朗、朱敏瀚、周嘉洛、吳偉豪、黃庭鋒、丁子朗、陳瀅、劉佩玥、陳曉華、蔣家旻、何依婷、陳嘉慧、羅毓儀和郭柏妍。
同場加映:中年好聲音| 顏志恒浴室歌王走上舞台越戰越勇 望成為兒子好榜樣:夢想無價
鄧兆尊近日亮相「田豪祖3寶」YouTube Channel,對於樂易玲表示成為力捧需要有三大條件,首先是顏值高,第二則是用功,第三就是領悟快,鄧兆尊認為顏值高比較抽象,「而家紅咗嗰啲,都唔係顏值高,都係騎呢啲,比較容易上位,即係突出啦,其次係用功,即係襟用,一日做廿個鐘冇問題,捱唔病嘅,ok,第三領悟快,即係睇眉頭眼額,一嚟睇到樂小姐,就叫『樂小姐』,咁你咪聰明囉,掂囉;我唔知,因為我離開咗太耐,以前我返工,上去傾約問過一個好得意嘅問題,第一簽約長,公司用你耐先捧你,你簽3年都唔會捧你,起碼簽7年,同埋簽經理人,咁就比較好啲。」
田豪祖3寶丨鄧兆尊爆男星偷食被狗仔隊捕到 急Call幫手到場頂包帶走女艷星【下一頁】
有網民留言「簽長約、有後台、識擦鞋」,鄧兆尊即笑說:「嗱!唔係我講㗎,我認同,我認同呢啲嘢,但係呢啲,唔係個個都做,我呢啲唔識做,咪冇乜嘢囉!」談到電視台開始慢慢轉型,安排藝人擔任直播帶貨主持,先後有陳豪、陳敏之、陳自瑤等等,鄧兆尊認為舉此是無可避免,「都有人搵過我帶,地產嗰啲,但我唔做,因為我驚個樓盤唔好,例如豆腐渣,我幫你做完宣傳,人哋買咗,怨我就唔好喇,錢係好多,但我過唔到自己。」
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】