周啟生爆新秀內定賽果憤然離場 「大家當睇馬騮戲咁就算啦」

繼樂壇大姐大甄妮為已故好友李玟（CoCo）發聲鬧爆《中國好聲音》後，著名音樂人周啟生亦在Facebook聲援，希望能夠還Coco一個公道之餘，並以多年擔任無數唱歌比賽評判的所見所聞，大爆這類節目皆由高層內定入圍名單，直言評判只是陪襯品，並沒任何意義。

同場加映：

全民造星V｜Lyman亨仔靠積蓄追夢望演戲 KC落力搵人投資搞VR跳舞騷

{{hket:ul-video id="9019"}}{{/hket:ul-video}}

{{hket:inline-image name="349168810_1955283284841630_3811390667345275047_n.jpg"}}{{/hket:inline-image}}

{{hket:inline-image name="08311005.jpg"}}{{/hket:inline-image}}

{{hket:inline-image name="08312004.jpg"}}{{/hket:inline-image}}

周啟生先以歌神張學友於1984年贏得《全港十八區業餘歌唱比賽》冠軍作為例子，他在Facebook內寫上：「大型唱歌比賽：眾所周知，我年少時候便跟隨恩師顧嘉煇（做佢嘅跟班，一腳踢，徒弟助理）。記得當年華星最早期嘅新秀歌唱比賽，我已經代替我師傅，做過幾次初賽複賽嘅評判。1982年︰新秀第一屆：韋以珊，魯振順，趙文海等等等等，都曾經喺比賽遇上過。及後，我過亞洲電視做音樂總監，當時做過嘅評判多到唔記得，1984年︰18區歌唱比賽第一屆，即係張學友參賽嗰一屆，初賽同複賽都係我做評判。平心而論，當年嘅比賽水準好平均，能夠晉身複賽，個個都唱得唔錯。當時嘅香港電台，全班高層都好喜歡張學友，一早認定佢係要攞冠軍。喺宣傳上邊已經擺咗一個重點係張學友身上，至於最後佢攞幾多分，然後贏呢個比賽我唔知，因為決賽我唔喺香港，我冇做評判！」

周啟生撐梁文禮批評何罪之有 嘆樂迷口味變：垃圾吞落肚邊有好廚師【下一頁】

緊接他說出今次重點來，周啟生表示：「講咗咁耐，終於到戲肉，應該係曾航生嗰一屆嘅新秀歌唱大賽（只係諗起嗰一屆，同姓曾嘅冇特別關係），初賽係我同阿姐汪明荃等人做評判，忙咗幾個鐘頭，太多歌手，大家畀晒分，等緊計分。但係有一個高層行入嚟 #佢話唔使計分 #大家傾吓邊一個可以出線就得。跟住有佢講冇我哋講，感覺上早有內定名單，我笑一笑，唔好意思，我屋企煲落糖水，要返去睇火，你哋繼續，我走先！亦因為咁我開始對做評判冇興趣，亦覺得評判係陪襯品，並冇意義！」

周啟生搭的士被兜路對方反報警 要求司機熄收音機：乘客有冇權？【下一頁】

周啟生未有明確講明邊屆新秀，有網友認為他疑似指1987年的《第六屆新秀唱歌比賽》，當年評判包括他的師傅顧嘉煇之外，更有梅艷芳、河合奈保子、元彪、陳友、黎小田、劉培基、湯正川、張文新及鄧偉雄，而12位參賽者包括方曉虹、劉錫明、黃莉玲、鄭木新、朱福長、區鳳蘭（現名區海倫）、蜘蛛女三人組、董嵐、葉依齡、湯美君、彭美鳳及羅艾文。至於曾航生當年入圍《未來偶像爭霸戰總決賽》，極大可能放棄參加新秀。

（↓點擊放大睇圖片↓）

最後周啟生講出個人見解：「其實呢啲比賽，早在80年代開始已經係假到非常，大家當睇馬騮戲咁就算啦，何必認真，俗語有話認真會死人，但係今次真係搞出人命，希望一切都清清楚楚，還番Coco，李小姐一個公道！Hallelujah！」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】