7-11人氣中秋禮盒 安記鮑魚/Hello Kitty/意式雪糕月餅

最近黛安已睇緊中秋佳禮品，諗住買嚟送畀親友同客戶，公關姊妹報料，7-11精選咗多款中秋節日新品，首選有安記鮑賞月圓燈籠禮盒（$99/件），內有全新金沙奶黃花膠月餅，非常吸引；而安記五福臨門鮑魚福盒（$168/件）則有溏心四喜鮑魚及鮑魚花膠佛跳牆等，送禮或自用都好啱呀。

另外，亦有台灣直送嘅Hello Kitty大圓滿禮盒（$188/件）、太陽餅花滿禮盒（$148/件），兩款套裝分別以鳳梨酥和太陽餅加上Hello Kitty造型瓷盤，CP值極高。鍾意甜食嘅朋友，就必試da dino意式雪糕月餅，一盒兩件有開心果味和榛子味（$88/件）；同場更有多款香港老字號產品，如恆香鹹蛋黃、蜂巢、斑蘭雞蛋卷及紫菜肉鬆鳳凰卷，最啱賞月時同身邊人分享，大家睇啱就快啲去7仔選購啦。