多啦A夢×SOU‧SOU 7仔推8款日系玻璃杯

唔少港人鍾意日系家居風格，黛安打聽到，7仔將以「京都生活。美學」為主題，推出全新日系居家好物，破天荒請嚟日本國民動畫《多啦A夢》與京都著名文青品牌SOU‧SOU首度合作，打造8款「京都生活。美學」SOU GOOD日系玻璃杯！

呢套日系玻璃杯有兩套設計系列，包括不倒杯連杯蓋及圓拱杯連3D杯蓋，以borosilicate玻璃打造，系列嘅印花美藝由SOU‧SOU日本設計師親自參與設計，最具標誌性嘅莫過於「數字遊戲」款，多啦A夢嘅趣致模樣融入數字圖案中，充滿玩味又實用。

呢套玻璃杯明日（30日）就會登陸7仔，同日起至10月24日，喺7仔購物滿$20即可獲印花1張，儲齊8張印花加$50可隨機換購玻璃杯1件；yuu會員則可以8,800yuu積分加$12，隨機換購1件，換購期至10月27日，粉絲把握機會換購喇。