容天佑功夫敵不過家居意外受傷 玻璃𠝹傷手浴血：縫咗15針

容天佑是《功夫新星》第三名得主，早前在劇集《法言人》內飾演好打得的Tony仔，獲得大展身手的機會，助劇中好友Hogan（丁子朗 飾）硬闖電影公司救人。不過有功夫底的容天佑還是遇上意外，這日他在IG稱在家中維修洗手間玻璃門時，冇為意門角已有破爛，照樣用手去捉實該處，並用力托起玻璃門，結果𠝹傷拇指，搞到成隻腳滴滿血；最離奇是他自行止血後如常出街，傷口依然不斷滲血，到晚上見勢色不對才去急症室，證實傷口位置的皮壞死兼傷了神經線，醫生幫他縫了15針。

同場加映：

寵愛Pet Pet丨阮政峰為冬甩配音衝破事業樽頸 唔急上位最重要學習：恰如其分

{{hket:ul-video id="8977"}}{{/hket:ul-video}}

{{hket:inline-image name="chow36874790413.jpg"}}{{/hket:inline-image}}

{{hket:inline-image name="08222001.jpg"}}{{/hket:inline-image}}

容天佑在IG講述當日受傷情況，「我係點樣一隻手指公可以畀醫生縫度15針。不嬲屋企有嘢壞咗爛咗，我都鍾意自己一手一腳裝番，有一日廁所有隻玻璃嘅門鬆咗，收工返到屋企嘅時候諗住裝番好，為免佢無啦啦鬆脫，整親我屋企嘅大帝（指愛犬）。可能係前一晚瞓得3個鐘就要起身開工嘅緣故，竟然玻璃門個角啲玻璃爛咗我都唔知道，諗住拎起個角托起櫃門上番螺絲嘅時候，突然間感覺到天花板好似不斷滴水落隻腳度，抬頭望一望天花板，又冇水喎，低頭望一望隻腳，成隻腳都係血嘅？再望一望隻手，原來有一大塊玻璃𠝹咗落隻手指公，仲好紮實咁插住咗喺度。」

法言人︳容天佑孖楊梓菁對打獲網民激讚 排練被連環打中：頂到【下一頁】

之後他自行取出玻璃及止血，形容當時見到血都有啲驚，「心諗，我係男人嚟㗎嘛，唔痛嘅，不斷安慰自己嘅同時，唔得啦，『唔該！幫我拎支有糖嘅汽水畀我，好暈啊！』見到咁多血，你唔驚我都驚啦大佬！諗住包紮咗，等佢止吓血就無事啦，少事啫，所以包好咗隻手指就出咗街。結果當日喺街，換咗4、5次紗布，因為仲不斷滲血，每個見到我傷口嘅朋友，都叫我要去醫院縫針，但我都只係答佢哋，唔洗啦，咁少事！縫針喎，你估我唔驚咩！」

法言人丨容天佑兒時跨境上課無阻刻苦練功 望拍劇有用武之地：我好想打【下一頁】

到夜晚傷口仍流血，容天佑決定去急症室治理，「醫生翻開塊皮望一望個傷口：『嘩！你啲皮已經壞死咗，傷口太深，神經線都傷咗，要4、5個月先會痊癒。嗱而家先幫你洗傷口！』吓？洗傷口，咁咪好揦？好痛？算啦！當下冇辦法再扮man啦，即刻不斷問醫生可唔可以打麻璋針先啊。好彩，醫生䕶士好好人，除咗打針落個傷口嗰下最痛之外，縫針都係感覺到將啲皮駁埋一齊（過程太恐怖自己都唔敢睇）。」

（↓點擊圖片放大↓）

最後容天佑多謝醫護人員的照料及報平安，「除咗畀醫生䕶士笑我怕痛之外，其實佢哋都好專業好錫住我，多謝醫生半夜仲咁有心機幫我縫番好隻手指，而家見到鏡都有少少陰影。大家放心，縫完針過咗幾個鐘我就如常返咗工啦，只係而家好擔心拆線嗰日......痛......」

今日（22日）容天佑亦有出新po，見《逆天奇案2》拍檔董敬文man爆孭住他行，證明真的冇晒事，安心等待日後去醫院拆線。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】