法言人｜容天佑爆三個月大愛犬係「鹹濕仔」 愛扮可憐靠可愛面孔俘虜女仔心

2011年參加《功夫新星》入行的容天佑，在TVB劇集《法言人》中飾演見習師爺，有不少戲份。容天佑繼去年領養唐狗「佩佩」後，今年又再增加一個新成員「豬兜」，果然是愛狗之人！

同場加映：馮素波名氣總被比下去視為透明 釋懷更珍惜家人：每次見當作惜別

{{hket:ul-video id="8063"}}{{/hket:ul-video}}

容天佑去年在流浪狗場領養唐狗「佩佩」，而近月又再養多了一隻大白熊犬「豬兜」。「豬兜」而家差不多三個月大，外貌可愛，非常得人鍾意。問到容天佑為何將狗狗命名為「豬兜」？他笑指因為狗狗比較「蠢」，「叫親佢都唔應，話佢係豬兜，佢竟然就有反應！」

{{hket:inline-image name="98.jpeg"}}{{/hket:inline-image}}

容天佑指「豬兜」非常黐人，鍾意扮可憐及無知，「我返到屋企後，無論去到邊，佢都要黐住，無論沖涼定入廚房都會係門口等我。」說「豬兜」係「正宗鹹濕仔」，「帶親落街都會有好多人走嚟摸佢，佢最鍾意衝去啲女仔度，正宗鹹濕仔，哈哈哈哈！佢三個月未到，已經鍾意黐住靚女姐姐！」

{{hket:inline-image name="08.jpeg"}}{{/hket:inline-image}}

而家做了兩隻狗狗的主人，責任更為重大。問到容天佑又要兼顧工作，又要照顧兩隻狗狗，時間怎樣分配？他覺得攰，仍然十分值得。「好彩原本屋企嗰隻就好乖，佩佩唔使點湊，佢仲會食剩好多糧，留畀豬兜食！」

不過「豬兜」就令容天佑好「頭痕」，「佢開頭唔識，一來到屋企就周圍屙，一個唔留神已經成間屋都係...所以我成日沖完涼行兩步就會係屋企尖叫，因為隻腳已經中咗招，好似玩緊踩地雷咁。後期就好啲，呃呃𠱁 𠱁咁教識佢喺狗廁所個盤屙...都會係屋企其他地方發現『地雷』，同佢講完一大論嘢之後先發現，原來個盤有尿同屎，先發現佢一啲都唔豬兜，佢條友仔唔想整污糟隻腳先唔入去，哈哈！」

PetPet星｜容天佑曾被狗場呃錢無阻愛心 助養內向唐狗佩佩：好想保護佢【下一頁】

撰文：林惠珊

圖片來源：受訪者提供