李龍基執遙控飛機疑誤闖結界 跌傷頭血流滿面老婆嚇到跪地喊

李龍基與好友張武孝（大AL）、威利及方伊琪早前出席萬聖節活動，在受訪時重提早前遇到的一件怪事，更懷疑自己誤入結界！

同場加映：曾志偉望無綫成為有人情味機構 「希望係不捨而唔係帶住怨氣走」

{{hket:ul-video id="4582"}}{{/hket:ul-video}}

{{hket:inline-image name="li2.png"}}{{/hket:inline-image}}

李龍基憶述當時與太太去郊外玩遙控飛機，之後遙控飛機失控墜落。但兩人執完飛機後點都搵唔到路走，疑誤闖結界，要搵人求救。佢話：「咁遙控飛機跌咗落去山裡面，搵個飛機好易搵到，但好難行返出嚟……喺個好細嘅範圍，仲要行山，行到筋疲力盡。本身諗住打999，但最後都係打咗畀朋友。原來個朋友所在位置同我好近，真係好神奇！」好彩最後兩公婆安全出返嚟。

{{hket:inline-image name="li3.png"}}{{/hket:inline-image}}

雖然之後搵到人帶路，但李龍基不慎喺搵路期間跌倒，「當我朋友搵到我之後，我哋要過溪澗，可能體力不支，跣一跣，個頭砰一聲撼落溪澗嚿石度，撼到鼻都流血。（而家睇好似見唔到個傷口？）托賴托賴，但當日其實好恐怖，我成臉成身都係血，嚇到我老婆跪喺度喊。」

後來李龍基嘅朋友叫佢去醫院，不過佢就話感覺冇咩事，唔使去，「我抹乾淨啲血，個傷口復原得好快，唔使縫針，真係好好彩。可能係上天畀我一個教訓。」

而同場的方伊琪就自爆有靈異體質，成日見到靈異物體，「真係成日見靈異嘢，所以我唔驚。（你有陰陽眼？）我冇，但係成日feel到、見到。」她又指自己有個節目，分享親身經歷。

{{hket:inline-image name="li6.png"}}{{/hket:inline-image}}

69歲李龍基少妻Chris意外曝光 保養得宜年過40仍有少女味【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】

撰文：林惠珊