李龍基未婚妻人民幣塞爆Hermès 被鬧貪錢急澄清

現年72歲的李龍基是圈中的隱形富豪，有指他在中港兩地一共有7個物業。早前佢透露今年內將會同細佢36歲嘅女友王青霞（Chris Wong）結婚，並準備立平安紙，打算將名下資產轉給Chris，保障女友將來生活無憂；而佢同前妻育嘅一子兩女，佢就認為佢哋已經長大，唔需要佢嘅財產。

同場加映： 林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

日前，Chris post出兩張相，相中見到一個Hermès手袋，裏面放滿「一磚磚」人民幣，留言：「你的努力耕耘 ，我不介意把手袋的空間，全部騰出來給你塞滿。」之後又再post多一個水桶形Hermès手袋，再講：「我每個包包的都願意把所有位置，毫無保留留給你。」配上如此「對白」，令人猜測李龍基將收入全數「上繳」畀準李太，等佢掌管財政大權。

{{hket:inline-image name="8.jpeg"}}{{/hket:inline-image}}

事件即時引起網民熱烈討論有人表示羨慕，亦有人指責佢貪財兼炫富！不過Chris好快就出嚟澄清，呢張相唔係佢本人影，佢留言：「辟謠，此照片源自朋友Daisy所擁有，她配文不介意老公把他的包包塞滿和把空間留給他！注：我本人只是覺得有趣，照片和內容只是轉發！」、「之前的配文圖片動態轉載自朋友的，純粹覺得配圖和文字有趣轉發在個人動態相，沒想到造成如此大的誤會！實屬抱歉…」

李龍基與Chris拍拖4年多，從來唔介意被指「爺孫戀」，愛得愈來愈高調。Chris的父母在內地居住，自稱於美國長大，到過荷蘭及日本求學，係業餘飛機師及藝術家，閒時會教小朋友寫書法及繪畫。李龍基曾透露是女友主動聯絡讓他有機會展開追求，拍拖後完全沒有代溝，性生活亦非常協調。年前Chris曾經小產，李龍基對小朋友不強求，反而好緊張女友，說：「我都成日同佢講我會『走』先過佢，佢傻到話到時會同我一齊『走』，正傻女。」

李龍基吸金力強，開騷、登台密密搵銀，早前又跟羅家英、林韋辰、楊玉梅、劉錫賢等到泰國演出舞台劇《豪門瘋暴》，Chris做「跟得夫人」隨行黐到實。Chris雖然不需要工作，但財來自在方，日前在社交平台大晒沙巴旅行相，入住有私人泳池的獨立屋，享受奢華生活。

圖片來源：Instagram