ERROR成員郭嘉駿(193)最近推出今年首支單曲《以為只是沒送花》,並邀請隊友肥仔(梁業)、台灣女神林莎和李恩菲為新歌拍MV。這首歌他以個人經歷為藍本,記錄了與前度女朋友的一段情。
同場加映:
獨腳絲打噏丨蝦頭經歷疫情移民潮唔想再等 爆感情黑歷史:自嘲代表脫離悲痛
日前,193接受傳媒訪問,他指到開咖啡店的念頭,也受前度女友的影響,慨歎自己當時不識情趣和浪漫,不懂閱讀伴侶的心意,跟對方拍了拖4、5年,可惜分手收場。
193透露現時已在籌備下一首新歌,可惜身體狀況欠佳,時間倉促,「一個月前,我無啦啦發燒,好攰,頭痛,第二日有鼻水、痰,過多幾日開始咳,仲有血,我咳得多,咳爛咗喉嚨好正常,完晒工作先去睇醫生,醫生話我有病毒。我人生第一次連續食10日兩種唔同嘅抗生素,食完都未好,而家係睇緊第三次醫生。」
陰目偵信丨193遭騷擾訊息搞到心力交瘁 揚言拒絕再出席電影謝票活動【下一頁】
193曾經表示拒絕再出席戲院謝票活動,古天樂日前力撐「好忙就唔好勉強,唔好捱壞身體」,193說:「古生講得啱,謝票係一定要做,因為可以同觀眾交流,之前謝票我都好開心,可以同觀眾分享我嘅角色設計。又學古生話齋,量力而為,前幾日我都出咗IG story,我話『去到就去,我都唔夠膽應承大家啲咩,錄音、拍嘢超時......我嚟唔到,你買咗謝票場?我唔想大家失望。」
陰目偵信丨保錡投訴拍檔太重搞到韌帶撕裂 肥仔大膽要求真咀阿正 慘食檸檬【下一頁】
193曾經說「謝票並唔係義務」,是否擔心影響形象?電影公司不找他拍戲?193:「我當時唔係咁嘅意思,嗰段說話放Telegram群組,諗住同fans講,因為有人問我點解唔去謝票,所以先解釋番唔係義務。當刻我都諗係咪要delete?我知言論上係講錯咗,可以修飾,可以靚啲......但經過『燒畀你』事件,知道我嘅Telegram有好多間諜、hater,所以我唔delete!好唔好嘅新聞對我嚟講都係新聞,呢單新聞我見到有hater鬧我,有fans支持我,同埋去到第2、3日事件發酵,終於有人討論番《陰目偵信》呢套電影,咁神奇?」他事後有向電影公司方面解釋,自己並非拒絕謝票。
肥仔@ERROR開食肆7個月結業避談損失 「師傅話我今年唔適合做餐廳」【下一頁】
此外,對於肥仔有份投資的兩間食肆結業,193說:「我係咪要多謝肥仔?我間Cafe成日被人話呃錢,我發覺逆向宣傳,只要講到超差,啲人就越想去試!我承認頭幾個月係做得唔好,而家Cafe同一間飲食公司合作,管理好咗好多。肥仔呢單新聞出咗之後,好多人都讚我間Cafe,咦!我應該多謝肥仔喎,要叫肥仔入股。我有安慰佢,佢個形象好啱做飲食,我諗住下一間呃肥仔入股,就算蝕錢,肥仔都會掟錢出嚟,肥仔好有錢,佢有好多廣告拍,所以佢唔介意蝕少少錢,佢蝕埋畀我都得!賺錢咪一齊賺,都幾開心!肥仔而家心情OK啦,錢財身不外物,你諗吓佢幾型,執咗兩間都仲有錢,日日買名牌,希望佢快啲同我開多間啦,或者我哋四兄弟開一間,我哋三個呃肥仔錢!」
化妝:Cori Wong @Annie G. Chan Makeup Centre
髮型:Harris Lai @CHIC PRIVATE i SALON
形象:Lok Fong
服裝:Acne Studios @I.T, Salomon
場地:Wetime
採訪:黃曉妍
攝影:陳健珊
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】