193狂send新歌Do姐嫌棄Delete 望姜濤退位可獲得「芳心」Follow

男子組合ERROR成員郭嘉駿（193）昨日接受鄭裕玲（Do姐）訪問，宣傳新歌《越州公路193》。提及Do姐獲邀拍攝新歌MV時，她認真問：「咁你下個MV，諗住搵邊個做女主角？」193笑說：「呢個真係超頭痕，今次已經去到最高級！我早幾日先同肥仔（梁業）佢哋傾過，『搞唔掂，下個MV真係搵自己拍』。」Do姐撓起雙手說：「唔勁得過我，我嬲㗎，我話畀你聽呀！一係搵一個大家唔係好識，但好靚好有氣質，咁OK！」193即說：「冇呢個人喎，你最靚喎！」𠱁得她哈哈大笑！

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

{{hket:inline-image name="323310788_406381918332673_8041929590922130732_n.jpg"}}{{/hket:inline-image}}

{{hket:inline-image name="11.JPG"}}{{/hket:inline-image}}

Do姐憶述答應演出MV前，都要了解拍攝內容，她指每次問193，對方都會send一次新歌給她，Do姐笑說：「成個WhatsApp充滿晒你首歌，霸晒我啲位...」193問：「你Delete咗我首歌？」Do姐不客氣說：「Delete晒㗎喇！」搞到他無奈傻笑！

叱咤頒獎禮丨ERROR坐冷板凳自嘲「樂壇觀音」 阿正爆Jeffrey緊張到出拳打牆【下一頁】

Do姐又笑問：「咁得意嘅，你今次冇叫我Follow你IG？」193表示：「你feel唔到我放棄咗咩！你客串我MV，意思係『你唔好再嚟煩我』，我心領神會，所以我冇再𢲷你Follow，其實我覺得講嚟都嘥氣，我以後會做得更加好，如果有一日紅過姜濤，你就Follow我啦，即係呢世都唔使Follow，除非姜濤退位啦！」Do姐即表示：「如果我Follow你，唔Follow姜濤，你會唔會過意唔去？」193說：「唔會！我面皮咁厚，冇乜所謂啫！」

193膽粗粗邀客串新歌MV Do姐：有理由相信你係暗戀我【下一頁】

193眼淺很容易喊，Do姐指他很性感，他說：「初初出道，我同肥仔、花姐（經理人黃慧君）鬧交鬧到喊，超勁！鬧交界KOL。」續解釋：「我當初唔識，覺得要據理力爭，覺得啱就要話畀你聽，可能我用咗一個唔啱嘅方式，可能好衝動咁去講；我而家諗番，退後一步，大家心平氣和溝通，件事會容易啲處理。但我一想表達意見就會大聲，人哋就會覺得你做咩惡我？我咪惡番你囉！而家開始識諗，唔應該咁樣。」

Do姐問：「你會唔會同我鬧交？」193說：「唔會！我超尊重你，要讚你，除非你鬧我...」Do姐聽後問：「係咪真心㗎？係咪真心讚㗎？你又想我幫你拍嘢呀？」193說：「你都拍咗，我而家鬧你都得啦！唔係唔係...我以前脾氣好差，入咗行之後，同唔同人相處多咗，覺得自己要收火，又或者唔好咁衝動。我哋ERROR 4個好friend，有時都會因為工作鬧交，以前我比較衝動，佢哋好遷就我，但呢一、兩年，反而有其他人暴躁咗，我叫番佢哋唔使咁激動，嬲都解決唔到問題！」Do姐大讚他成熟了，長大了！

{{hket:inline-image name="320587270_125765773482634_7773201150196759577_n.jpg"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】