陰目偵信丨保錡投訴拍檔太重搞到韌帶撕裂 肥仔大膽要求真咀阿正 慘食檸檬

由ERROR成員梁業（肥仔）、何啟華（阿Dee）、郭嘉駿（193）和吳保錡主演的偵探懸疑電影《陰目偵信》即將上畫。除了193之外，其他三位成員日前在尖沙咀接受訪問，三缺一夠晒靈異。肥仔要做新一代洪金寶？保錡繼續猥瑣、無賴的作風，搶著哀求同片演員前輩周家怡包養！

同場加映：

李玟今日設靈眾星到場致哀 《中年好聲音》戰友安慰李思林

{{hket:ul-video id="8838"}}{{/hket:ul-video}}

{{hket:inline-image name="88.jpg"}}{{/hket:inline-image}}

{{hket:inline-image name="IMG_0548.jpg"}}{{/hket:inline-image}}

肥仔、阿Dee拍攝了很多動作戲場面，前者抱怨沒有替身，保錡隨即踢爆他：「你喺現場話唔使替身㗎！」肥仔反駁：「我幾時有講過？」保錡沒好氣地說：「你話做新一代洪金寶吖嘛，你講得出呢啲嘢，工作人員就唔準備（替身）㗎啦！」阿Dee笑說：「左手一支郭生（郭富城）嘅棒，右手一支洪生（洪金寶）嘅棒！（傳承的意思）」保錡雞啄唔斷：「你睇吓我，我係垃圾嚟㗎，人哋咪幫我準備囉！」

肥仔@ERROR開食肆7個月結業避談損失 「師傅話我今年唔適合做餐廳」【下一頁】

肥仔是否有信心做新一代洪金寶？他突然謙虛起來，說：「暫時冇！」他與洪金寶一樣重磅，「最難忘喺貨櫃拍攝，我一手畀敵人哋掟咗去隔離，（邊個舉得起你？）有三個『威也』師傅同時扯起我，仲要係行內朂大隻嘅師傅。」拍到周身傷，阿Dee有場戲，飛檐走壁，再由天台飛出大廈，「雖然我有替身，自己都親身做咗幾次，飛出去，來來回回，同時我要護頭，有機會撞到，當腹部縮一縮，橫膈膜入邊嘅肌肉內側扯傷咗，我嗰晚好飲恨呀，當意識到嗰組動作點樣做先好睇時，我就傷咗...嗰一剎那，冇辦法上陣，超唔開心，只能用之前拍咗嗰幾take剪接！」

撞鬼自駕遊丨193英國遇女鬼 七仙羽聖物用得着 《ERROR遊2》屢遇靈異事件：解釋唔到【下一頁】

保錡也有受傷，「兇手」是肥仔？他說：「我畀肥仔壓住咗隻腳，肥仔太重，我左腳有舊患，韌帶撕裂咗，拍完嗰個shot之後，再次觸發舊患...」肥仔聞言，深感委屈，說：「喂！你屈我，你嗰日冇話係我整㗎喎！」保錡：「傷都係其次...如果有得claim番錢就更加好嘞！」

{{hket:inline-image name="6.jpg"}}{{/hket:inline-image}}

肥仔與阿正（黃正宜）有感情戲，他表示︰「我覺得真係正，我要求真咀，佢開頭唔制之嘛...」阿Dee笑說：「我覺得如果真咀，會辛苦咗阿正。」是否借位咀？肥仔說：「真咀嘅！佢怯吖嘛，我咪一嘢『車』埋去！（熒幕初吻？）唔講呢啲！」咁究竟有冇咀嘴？

{{hket:inline-image name="5.jpg"}}{{/hket:inline-image}}

肥仔、阿Dee和保錡異口同聲，想同周家怡拍感情戲。保錡拍《極度俏郎君》時求宣萱包養，這次一樣「把握」機會，他搞笑地說：「失敗咗就下個㗎啦，冇理由咁長情，而家呢套戲就係周家怡！拍下一齣再搵一個新嘅！」阿Dee稱周家怡演戲經驗豐富。

對另一女角郭思（Suey）有何感覺？保錡說：「佢話聽過我嗰首《猥瑣》，但喺現場唱《蒙着嘴說愛你》...佢真係唔識我哋！」還有籃球女神譚旻萱（Mandy）坐鎮，肥仔︰「佢好大隻...平時有約佢打籃球...」保錡插話：「友誼波！友誼波好多人都打㗎啦！」阿Dee踩多一腳：「唔係鬥波嗰隻！」

{{hket:inline-image name="7.jpg"}}{{/hket:inline-image}}

《陰目偵信》故事中，路人甲阿Dee遇上了陰目偵信一行人，包括擁有異能的保錡、肥仔與193，自此捲入靈異事件之中...本片將於8月10日放映。

採訪：黃曉妍

攝影：何家賢

髮型：Man Chan @CHIC Private i Salon、Harris Lai @CHIC Private i Salon

化妝：Cori Wong @Annie G Chan Makeup Centre、Yumi Cheung @Annie G Chan Makeup Centre

形象：Calvin Wong

場地：梁煙號

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】