外傭辭職｜列9頁紙工作內容 外傭入屋2小時辭職 港媽呻代通知金難追反惹批評

近年外傭跳工情況嚴重，令不少僱主感到困擾。《東張西望》日前一集報道，一名港媽最近聘請一名菲律賓籍外傭，並寫了一份9頁紙文件交代工作內容，未料外傭到職後短短2小時，即以工作量太大、無力照顧寵物和少主等理由辭職。港媽對此非常無奈，同時不滿一直未能討回1個月代通知金，然而節目播出後，不少網民反對港媽並留言批評。

同場加映：
管家王｜上居下舖全天候陪愛女 單親爸打造粉紅跌打館

{{hket:ul-video id="8918"}}{{/hket:ul-video}}

僱主梁太在節目中表示，前外傭對子女照顧不周，向中介反映後，中介向她介紹另一名菲律賓籍外傭，期間大讚該外傭很有愛心，又傳來外傭與狗狗的合照，形容該外傭「好有心做我份工」。

梁太等待4個月後，該菲傭在8月入屋，梁太告知對方要跟BB同房，待她安頓好才講解工作細節；然而她形容外傭無放行李，「坐咗喺度，我就覺得好奇怪，我就問佢你其實係咪唔開心？」外傭則回答：

「跟住佢就話『其實mum我都好老實同你講，我個人好透明，我覺得入到屋好大陣味，你咁多寵物我接受唔到囉，同埋仲有BB，邊度做得嚟呀？』」

↓ 點 擊 圖 片 放 大 ↓

僱主：事前已說明工作量大

梁太稱，面試時已強調家中有很多寵物兼要照顧BB，加上家中地方不小，已事先說明工作量頗大，讓對方有心理準備，「寫咗一份9頁紙嘅文件，喺佢上機之前叫中介send畀佢睇咗，我覺得佢話自己唔知我屋企嘅情況係一啲都唔成立。佢已經話佢唔想做，我惟有叫佢聯絡中介，我都唔知可以點做」。

外傭入屋2小時即辭職

最終外傭入屋短短2小時即提出辭工，中介公司隨後稱會安排菲律賓籍職員接走外傭，又指會扣起其護照，安排住在宿舍，直至外傭家人匯錢來港繳付1個月代通知金4,730元。然而中介翌日表示菲律賓領事館接獲外傭投訴，並向梁太指：「冇辦法喇，我哋今晚一定要送走佢。」

梁太追問1個月代通知金如何處理時，中介指只能透過勞工處追討，令她深感無奈，因之前解僱前外傭、聘請新外傭、購買床褥和被單等費用，總計花費2萬多元，

「我覺得香港政府點解可以完全冇一個部門、或者冇一啲條例去保護香港僱主呢？我哋香港僱主其實請每一個工人，都最少要花萬幾蚊agent fee（中介費），佢哋有啲乜嘢監管？即係冇囉，喺呢件事上面我完全體會到有幾無助。」

節目主持向外傭中介查詢，負責人Nicko表示根據勞工法例，不論是僱主或外傭終止合約，機票都是由僱主負責，並表示：「我哋已經為梁太安排一啲interview（面試），會免費更換番（外傭）畀梁太。香港法例唔保障僱主，呢樣唔係我哋可以控制，只能盡能力處理番」。

網民：冇可能兼顧到咁多

不過報道出街後，不少網民卻為外傭抱不平，認為是僱主要求過高：「根本冇可能兼顧到咁多寵物同家務，又要妥善照顧到BB（間工人BB房仲要細到咁），其實僱主咁樣旨意晒個工人，到頭來BB出事就得不償失」、「相信呢個mum都係勁厚面皮，任何一個正常員工都會即走」、「工人見到個環境，加埋要睇9頁紙，頭都痛埋，要簽份賣身契，嚇到要搵菲律賓領事館搵政治庇護」、「一句講晒，檢討吓自己為何2粒鐘就走呢，換角色你去僱主家中看到環境還要繼續嗎？姐姐好老實呀」、「永遠問題都係人哋，自己永遠冇問題」。

請外傭｜港媽請菲傭訂22條家規，日做14小時部分違法，被指現代奴隸制，詳情即睇：【下一頁】

古怪外傭｜住500呎屋懶去廁，菲傭柔順劑盒當尿壺，港媽一原因揭發斥不衛生，詳情即睇：【下一頁】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

每朝索取《晴報》：精明生活．健康家庭．開心娛樂