吳卓羲豪花7位數搞玩具收藏展 為愛貓「豬皮」設計型爆figure

向來愛收藏玩具的吳卓羲（Ron），花上了大約7位數字買心頭愛，2019年，他在北京開設一間「吳卓羲個人雕像模玩博物館」，展出數百件珍藏figure；他籌備在周五8月18日至10月8日，於澳門旅遊塔舉行的「玩托邦 - 吳卓羲藝術玩動收藏展」，大曬過千件珍藏的figure及雕塑，以及他的愛貓「豬皮」的紀念品。

同場加映：

寵愛Pet Pet丨何沛珈感激角色牽引走出喪母之痛 勤做主持演戲入屋：媽媽係我榜樣

{{hket:ul-video id="8916"}}{{/hket:ul-video}}

{{hket:inline-image name="11.JPG"}}{{/hket:inline-image}}

{{hket:inline-image name="6835814ejw1f8inrkfxyfj20qo0zhdq4.jpg"}}{{/hket:inline-image}}

Ron接受《晴報》訪問，他透露是次展覽投資7位數字，展館正在準備當中，將北京博物館展品搬運到澳門展出，所以特登請來專業人士將figure和雕像包裝妥當，他說：「希望鍾意figure同雕像嘅人大開眼界，其實搞展覽嘅目的，我係好想推廣figure嘅文化，因為每一個公仔同每一個角色都係經典，唔係呢10年8年嘅事，例如Iron Man喺以前漫畫書時代就已經有，佢有佢嘅歷史。」

是次展覽設計上，Ron花盡心思，例如有個屬於Batman的蝙蝠洞，還有一個需要參觀人士戴着AR探索Marvel的動漫世界的展廳，他說：「入面會有條片，我會介紹Marvel英雄人物，又有得睇動畫，好似身歷其中，我諗都幾好玩！」

披荊斬棘2︱吳卓羲Chok爆長戴高科技「玩具」 內地大受歡迎意外令黑超賣斷市【下一頁】

除此之外，Ron亦是一位愛貓之人，家中養了11隻貓貓。他視牠們為命根，同時為其中一隻愛貓「豬皮」設計figure，Ron：「唔只豬皮，我會陸陸續續幫其中貓做figure，今次設計豬皮figure，我畫咗出嚟之後再修改，最終都係由設計師落筆，靈感係我諗嘅，例如佢哋嘅動作、表情，衫嘅顏色...呢次嘅玩具係可以預訂！」

玩具一直是Ron的心頭愛，看中了，總是心癢癢，他笑言既然是心頭好就不是用金錢去衡量，「雖然係幾貴，有啲仲係有錢都未必買得到...2、3年前我仲搵緊好多figure，其實要搵一隻好完整嘅figure係好難，就算搵到都好貴。當我開始做豬皮figure，作為我嘅事業之一嘅時候，我就冇乜點去搵其他figure，因為呢樣嘢係無止境，你係買唔晒，就算畀你買到，但係爛嘅，其實冇意思。」

Pet Pet星丨吳卓羲收養無毛貓唔覺外型核突 「豬膶」失蹤10日驚餐死【下一頁】

{{hket:inline-image name="6835814ejw1f8t4ub19qgj20qo0srq8h.jpg"}}{{/hket:inline-image}}

自收藏figure以來，最貴的一款，正是放在家中的1︰1的Iron Man，「呢個figure曾經跟住主角喺戲院宣傳《Iron Man 2》，宣傳完之後，我花咗6位數字向電影公司買返嚟。呢件收藏品仲喺我屋企，唔係唔捨得拎出嚟展覽，只係拎出嚟有啲麻煩...因為搬屋嘅時候，可能撞甩咗少少顏色，到而家未拎去修復，所以今次未有打算拎出嚟展覽，或者考慮下一站嘅展覽。」

{{hket:inline-image name="10.JPG"}}{{/hket:inline-image}}

「玩托邦 - 吳卓羲藝術玩動收藏展」詳情可瀏覽 https://bit.ly/SAGATOPIA-MACAU

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】