披荊斬棘2︱吳卓羲Chok爆長戴高科技「玩具」 內地大受歡迎意外令黑超賣斷市

42歲吳卓羲（Ron）最近參與內地綜藝節目《披荊斬棘2》大受歡迎，除咗同林峯再度聚首引發劇迷「集體回憶」外，佢嘅「綜藝感」喺首集已經表露無遺，帶挈佢喺內地人氣急升，更意外喺節目中成功「帶貨」。

同場加映：  痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

Ron喺節目中一入場已經一直戴住黑超，唔知會以為佢Chok住「扮大牌」。不過喺等待其他男藝人到場期間，佢突然向林峯講「聽歌呀」，林峯一臉茫然問：「聽咩呀？」Ron指一指黑超，林峯先明白：「啊？可以聽到歌咩？」然後即刻拎嚟試戴，旁邊嘅王大陸講笑表示：「我以為他裝甚麼酷，戴個眼鏡，原來是耳機。」之後王大陸、劉愷威等都輪流試戴，大家對這個飾品都非常有興趣，好似發現新大陸咁，Ron更補充指：「還可以聽電話。」

{{hket:inline-image name="9.jpeg"}}{{/hket:inline-image}}

在訪問中，Ron表示自己好鍾意買啲古靈精怪嘅嘢，買到畀阿媽「哦」佢：「浪費錢，經常給我媽罵的。因為我平時的活動都是小朋友的活動，都是玩玩玩具，都是這樣。」吳卓羲一向都好捨得買玩具，擁有價值7位數字玩具收藏品嘅佢數年前已開設內地首間Figure博物館──「吳卓羲個人雕像模玩博物館」，展出其數百件「心肝寶貝」。Ron又投資飲食業，並希望食客能邊食邊欣賞佢嘅玩具收藏品。

其實呢款眼鏡幾年前已經出現，而今次節目播出後呢款眼鏡銷量急升，門市更加係售罄；商家又以「吳卓羲同款」命名該眼鏡產品，影響力超大。Ron都萬萬估唔到大家會有咁大反應，喺微博留言：「來做綜藝，但是給人感覺像帶貨，不好意思。」

不過網民們就對咁樣嘅「廣告」非常受落，紛紛留言撐：「快把墨镜的型號交出來吧，大家都等著呢！」、「就是說昨天官方旗艦店還有貨，現在下架了」、「他們欠你一筆廣告費」、「真的被你成功安利了（打廣告）。」又有唔少網民話好鍾意佢喺節目中嘅率真表現：「還想看你錄到最後呢（P.S.哥的港普很可愛，性格也可愛，喜歡！）」。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】