MarieBelle New York限定版手工月餅禮盒 早鳥享75折

美食博覽即將舉行，黛安收到風，人氣朱古力品牌MarieBelle New York今年都會推出限定版「月夜‧手工月餅禮盒」，包含兩款手工月餅如「手工流心朱古力海鹽月餅」及「手工流沙奶黃月餅」，分別以日本高級麵粉、法國海鹽、法國高級發酵牛油和忌廉等優質材料製成；連埋去年首創嘅Ganache軟心朱古力中秋別注版，都可以喺本月17日至21日舉行嘅美食博覽，及海港城、觀塘apm嘅Pop-up Store、銅鑼灣崇光百貨嘅銷售點買到。如8月31日前購買「月夜‧手工月餅禮盒」，更可享75折早鳥優惠㖭。詳情可【按此】瀏覽相關資訊。

公關姊妹話，品牌更首次推出限定版罐裝自選朱古力豆，有多達10款人氣口味朱古力豆可選擇，如夏威夷果仁雙重朱古力、藍莓朱古力球、草莓朱古力球等，放入印上天使典雅設計嘅復古風圓罐，買嚟送禮或自己歎都一流。