滙豐頒發獎學金 嘉許逾270名本港學生

滙豐日前舉行「滙豐智庫日」，嘉許逾270名來自全港20間大學及高等院校嘅學生。黛安知道，過去58年，滙豐已透過獎學金支持來自唔同學科、近7,000名本地學生追夢，佢哋均獲冠以「滙豐學人」（HSBC Scholars）嘅名銜。唔少學生曾受惠於6個旗艦獎學金，包括滙豐海外獎學金、滙豐香港獎學金、創新科技獎學金、滙豐粵港澳大灣區（香港）獎學金、滙豐社會工作獎學金及滙豐職業教育獎學金。

滙豐透過唔同獎學金計劃支持香港學生升學或拓展事業，至今資助總額超過$2.62億。近年約17%嘅「滙豐學人」都選擇投身金融業，包括加入滙豐。當日活動仲請咗6位喺今年或過往獲頒獎學金嘅「滙豐學人」分享經歷，包括曾獲「滙豐海外獎學金」嘅滙豐香港區首席營運總監湯穎欣，佢都分享咗喺滙豐發展事業嘅歷程，及回饋社區嘅經驗。