Boxing Day新樓開箱丨方健儀童年情意結擲1850萬購柏傲莊三房單位 收樓視作聖誕禮物：順著「緣」字走

前新聞主播方健儀在Boxing Day拆禮物日分享全新影片，原來她今年的聖誕禮物就是「收樓」，她跟丈夫洪楚恆兩年前斥1850萬購入「柏傲莊I」的三房單位，單位實用面積754方呎，呎價約24,532元。聖誕節佳節翌日的Boxing Day終於成功收樓，兩公婆特別拍攝收樓的開箱片，跟大家齊齊睇睇新居的環境和設備。

同場加映：MC紅館騷望與亡父有連結 最怕體能唔夠搵「賦二代」幫手？

{{hket:ul-video id="7280"}}{{/hket:ul-video}}

方健儀同老公遊澳洲沙灘大解放 拍片向《食神》李兆基致敬【下一頁】

{{hket:inline-image name="12538514998292975515.jpg"}}{{/hket:inline-image}}

方健儀大方分享買樓的心路歷程，她留言說：「關於呢份聖誕禮物，我想講一個關於緣份的故事……5年前，開車路過大圍，紅燈停喺呢個地盤前。抬頭一望，有種特別感覺，可能因為兒時喺沙田新田圍邨住過，喺沙田官立中學讀過書，喺青龍水上樂園玩過，好合眼緣。2年前，從來沒有抽獎運嘅我，人生第一次入紙抽新樓。第一輪，洪先生與我都好緊張，但獲告知排位為3000至4000，即係無望。但我哋冇失望，因為人生試過多次陪跑，這些機會不屬於我.jpg。第二輪，經紀催我哋再入紙，我哋心諗算吧啦，不過抽唔到又冇損失，繼續去試，一切隨緣。」

她續言：「某個晚上，好記得我倆喺西貢食緊壽司，已經忘記當日抽籤。晚上8點，經紀打電話來，氣匆匆話：『方小姐，我幫你對咗10次，你中咗呀，中咗呀！』我一頭霧水問：『中咩呀？中Covid？我冇呀！』經紀話：『你中咗籤呀！43號呀！』我仲好低能咁問：『43號係咩概念呀？』經紀反晒白眼話：『即係你買到樓呀！明日揀樓啦！』吓？明日揀樓？唔係化？我乜都未準備啊：我揀咩座向？揀幾咩面積？夠唔夠錢買？忙亂間，我諗起當年自己43歲，抽到43號籌，算是有緣。」

方健儀感性地說：「今天，終於收樓了。我不信風水命理，但相信人與人、人與事、事與事，都有一種緣份。這份聖誕禮物，由最初嘅眼緣、中間嘅隨緣、到最終有緣，就同洪先生與我相知相遇一樣，都是順著『緣』字走。亦因為呢個『緣』字，促使我為兩口子嘅將來，及早做一啲實質部署。呢度將會係我哋嘅新安樂窩，舊安樂窩亦會留住，希望大家同窗外景緻一樣，新一年一切順風順水。」

方健儀激罕曬泳衣look傍住老竇 「應該可以見得吓人…」【下一頁】

方健儀以她超專業的主持技巧介紹新屋的內部設計，樓底相當高，她跟丈夫一人一間工作室，而單位俯視馬鞍山的景觀，而且望到她的母校，景觀一流。論到最正的都是會所，有超大的草地空間、游泳池和宴會場所，實在睇到網友流晒口水！不少網友都留言恭喜方健儀，「早晨，健儀！恭喜哂你和洪生，收樓成功，期待見到新裝修！」、「聖誕收到份大禮物，真係恭喜晒你啦」、「好靚呀間屋，高樓層景觀一流，很大型會所呀，游池很大又有流水瀑布」、「原來你都住過新田圍？嗰度真係主播搖籃嘞。」、「恭喜晒兩位新樓主」等等。

方健儀收樓開箱片：https://www.youtube.com/watch?v=qfa1HzzT6mI

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：楊安莉