超豪富三代鍾培生邀請曾爆家暴醜聞的周永恒，與及早前退出微辣的霍哥，預計11月在擂台上決一高下。今日，三人在灣仔出席《培生擂台無敵盃2023》拳賽記者會，周永恒、霍哥未上擂台，率先混戰，中了周永恒一拳的霍哥，指住塊面大罵：「你唔戴拳套都咁X樣！」周永恆聞言再一巴掌摑過去，現場火藥味甚濃！！
同場加映：
前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長
鍾培生在會上透露，除了周永恒和霍哥的賽事外，同時公開招募全港市民參加海選，上台與其他素人激戰90秒，為大眾提供一個合法、合理的情緒發洩平台，推廣拳擊運動。
席間，在Face off環節，周永恆、霍哥互睥，前者不停用身體動作挑釁霍哥，並說：「我忍唔到笑！」又向霍哥飛吻及伸脷。語無倫次的周永恆，突然推了霍哥一下，雖然現場有工作人員及鍾培生分隔他們，但始終擋不住兩人，周永恆先是一巴掌「車」向霍哥，後者立即還手，周永恆走避不及，起飛腳還擊，他們纏在一起並跌倒在地上，攬作一團，鍾培生說：「冷靜番先！大把時間，我哋之後再打！」
阿晶自殺離世丨霍哥改IG資料疑退出微辣網民力撐 「她對我的恩我當然記得」【下一頁】
冷靜過後，霍哥指自己要減30磅應戰，周永恒則謂：「我要加5磅，你就攰少少㗎，你都加油啦！我經常有啲唔合理嘅情緒發洩，好多謝鍾生畀呢個擂台我，簽咗份約，好合法咁可以情緒發洩，霍哥，你就要小心啲！流血就一定。」霍哥寸爆周永恒：「我睇到你好多打嗰啲（新聞），但你唔係打男人㗎嘛！」周永恒不甘示弱：「係呀！我唔係打男人㗎！專打女人㗎嘛！你睇多啲新聞啦！擂台係流血、流汗嘅地方，唔係吹水嘅地方，你知道嘛？」霍哥不想理他：「冇人同你吹水呀，我等緊流㗎喇！」周永恒：「我見你睇咁多新聞，啲新聞吹水㗎！」
周永恆太太撤控夫妻和好如初 陳薇曬老公視角火辣出水芙蓉照【下一頁】
問到邀請兩人上擂台，是否他們具備話題性？鍾培生說：「當然啦！」是否認為周永恒躁底，好讓他情緒發洩？鍾培生續說：「又唔關事，佢兩個有好好嘅火花。」
周永恒早前接受腦部手術，是否擔心在霍哥重拳下有生命危險？他說：「之前腫瘤已經切除咗，而家OK！」鍾培生強調每位參賽者都有健康申報，保證安全才可上擂台。對於微辣前經理人阿晶自殺，是否會影響備戰上心理質素？霍哥：「點都會有少少，但let's go！」談及有網民要求前微辣成員加蔥與霍哥對戰，鍾培生說：「搞好而家呢場先！」霍哥笑說：「如果加蔥肯都無任歡迎嘅，佢蒲頭嘅話！邊個做我對手，我都無任歡迎。」而有關微辣是否「滅團」一事，霍哥指自己離開了微辣，一切待微辣公布。
此外，霍哥在活動後，在IG限時動態留言：「大家發洩吓情緒啫，但係我想講，明明發晒癲嗰個係阿周生，個個都攬住我做咩呢？」之後再出post否認在記者會上與周永恒混戰是做戲，他留言：「夾乜鬼宣傳，我都成個人騎咗喺上面，佢唔拍我放手就繼續㗎啦，真係當佢傻嘅咩？唔好咁幼稚，打埋啲爛仔交，12月大家練好再打過。」
採訪、攝影：倪小珊
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】