周永恒結婚4年低調生活洗心革面? 專心陪老婆做慈父湊餅印大眼囝囝

現年37歲嘅周永恒因為過往做嘅錯事而被網民封為「世紀賤男」兼自認「人渣」，近年變得低調嘅佢冇再喺幕前出現，不過佢嘅第二任內地老婆都會不時分享佢嘅生活照，都會見到周永恒嘅身影，似乎佢已經改過自新喇！

同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我

{{hket:ul-video id="6463"}}{{/hket:ul-video}}

周永恒同趙頌茹離婚後一度非常高調，又同組合O.M.G成員、當時23歲嘅黃芊詠拍拖。不過自佢同內地妻Britni結婚後就好低調，反而曾出現喺「港聞版」，2019年底於尖沙咀樂道一間便利店內同另一李姓男子打架，被警方拘捕時跪拜警察求情後就冇再公開露面。

{{hket:inline-image name="96ba1362-0fc4-48bf-b173-851891aada4f.jpeg"}}{{/hket:inline-image}}

不過Britni不時都會更新IG，令老公周永恒嘅近況有一個「窗口」曝光！最新嘅一張相片就見到Britni同今個月就4歲嘅囝囝參與賣旗活動，而對上一張相就見到周永恒瞓喺床上，囝囝一邊摸住爸爸塊面，一邊想打機，Britni就留言：「瞓覺啦你學人打機。」一家三口似乎好溫馨！Britni平日都會帶囝囝四圍去，囝囝嘅皮膚白晢，有一對雙眼皮好明顯嘅大眼睛，似足爸爸，非常可愛。

唔少網民都表示如果周永恒識得修心養性，都可以話為時未晚！過往周永恒劣跡斑斑，當中包括在2004年藏毒罪成判感化，同年又被爆與同模特兒公司助手兼拍檔嘅港視小花劉依靜（Ruby）搞婚外情；與前妻趙頌茹發生爭執，令對方面部受傷，更向趙頌茹母親吐口水。當時，佢曾一度聲淚俱下讀出公開悔過書，自稱人渣兼鬧自己「賤格，鹹濕同貪玩」，二人離婚收場後，本來周永恒答應給予贍養趙頌茹和兩名女兒，但2個月後都未有兌現承諾，趙頌茹毅然出山賺錢養家。