周永恆「腦囟未生埋」對答如流 被禁止接觸證人：想攬住個仔

昨日（26日）周永恆於屯門裁判法院提堂，被起訴三項罪名︰包括「抗拒警務人員」、「襲擊警務人員」及「刑事恐嚇」罪，辯方在庭上申請保釋，法官批准十萬元保釋，需交出旅遊證件，不得直接及間接接觸控方證人，每晚6時至9時需要到天水圍警署報到。

同場加映：

馮素波名氣總被比下去視為透明 釋懷更珍惜家人：每次見當惜別

{{hket:ul-video id="8063"}}{{/hket:ul-video}}

周永恆代表律師向法庭申請保釋，等候辯方索取文件及及給予被告進一步法律意見，裁判官批准被告以十萬元現金保釋，案件押後至6月21日，下午2︰30續審，被告須交出旅遊證件，不得離開香港，每晚6時至8時要到天水圍警署報到，及不得接觸控方證人。

{{hket:inline-image name="3.JPG"}}{{/hket:inline-image}}

周永恆面容憔悴由律師陪同受訪，雖然未脫罪，但唔使還押已經如釋重負，稱：「其實如果保釋唔到會好驚，好多謝律師幫忙。（傷勢情況？）啲頭髮都生番唔少啦你見。（會唔會痛？）有兩個位置冇咗骨，好似BB腦囟未生埋，摸落去摸到淋，仲要定時複診，遲啲唔知醫生會唔會幫我用啲鈦金屬補位？其實我都好多謝大家嘅關心，而家案件進入司法程序，變咗我唔方便去講太多。」

問到有冇信心打甩三條罪，佢就話：「當然要睇律師點啦！我都唔識咁多法律嘢。」再審前會唔會好憂心？佢淨係表示好掛住同現任太太生嘅仔，「我好掛住個仔囉……最主要就係，自己都唔諗咁多喇！因為最難過嗰關就係個頭嘅手術，喺醫院嗰段時間；而家呢啲嘢，對於我嗰段時間嚟講都唔係啲咩特別嘢。最希望快啲攬住個仔囉！」

早前填詞人因葵（陸謙遊）指周永恆遭太太家暴，post疑似係周永恆開腦手術後嘅相片，以及佢同周永恆太太Britni嘅對話截圖。然而，周永恆當時已被警方拘捕，有指佢同太太於天水圍寓所內，疑因金錢、感情糾紛發生爭執，甚至情緒激動向Britni出言恐嚇「斬死你 斬死埋你老母 斬死埋個仔」，Britni受驚後即前往天水圍警署報案。

撰文︰娛樂組