寵愛Pet Pet｜鄒兆霆孖愛犬Money父子檔演出 與吳紫韻演兩夫妻：觀眾好受落

緋聞情侶鄒兆霆及吳紫韻（Purple） 在劇集《寵愛 Pet Pet》中飾演一對夫妻，劇中兩人養了一隻巨型貴婦狗「皮蛋」。其實「皮蛋」在現實中亦是鄒兆霆的愛犬「Money」，鄒兆霆接受《晴報》訪問時大讚愛犬好乖好合作，「起碼拍劇嘅時候無吠過一次，我畀每個動作指令佢都會跟住做 ，都未試過唔肯做。」Money果然訓練有素！

同場加映：中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

{{hket:ul-video id="8811"}}{{/hket:ul-video}}

劇情講述狗狗皮蛋（董敬文聲演）遇車禍急須做手術，惟主人徐輝（鄒兆霆飾）一直玩失蹤，原來徐輝潛逃是因失業及太太（吳紫韻飾）懷孕等問題，不夠錢支付皮蛋的手術費，對此感相當內疚。最後幸好獲金醫生（林夏薇飾）「網開一面」，免卻其狗狗的手術費。

{{hket:inline-image name="09098.jpg"}}{{/hket:inline-image}}

鄒兆霆指自己好開心可以參演《寵愛 Pet Pet》，「同Purple合作都真係好開心嘅，同埋同位位演員都好有默契！ 每次開劇嘅時候都好開心，好紓壓，因為每日都有好多唔同嘅寵物，好似去咗動物園！」

{{hket:inline-image name="34444444.jpg"}}{{/hket:inline-image}}

吳紫韻爆準備雪卵望35歲前結婚 緋聞男友鄒兆霆話有目標努力…【下一頁】

他又指多謝監製給予這次演出機會，「我係第一次演老公同爸爸角色，仲可以同埋Money一齊演出，真係好難得！同時我都好珍惜呢個機會。今次喺戲入面同purple做拍檔，都有好多觀眾feedback讚賞我哋做得好好，好受落。希望嚟緊嘅劇集大家都有更多工作機會。」

{{hket:inline-image name="78.jpg"}}{{/hket:inline-image}}

鄒兆霆指徐輝呢個角色好大挑戰，與自己的性格有好大對比，「因為我本身好硬朗，講嘢好倔強，就好似噚晚嗰場喊戲，係我入行以來嘅第一次，雖然我NG咗好多次，但係監製、導演都無畀壓力我，好錫住我。無cut機之餘，仲畀我一直用自己嘅方式去演繹，盡量畀我發揮得更多。」

鄒兆霆又多謝林夏薇與周嘉洛，「佢哋帶動咗我入戲嘅情緒，同埋知道個角色有得發揮，唔介意我NG再拍過，不斷畀機會我做到最好！」

鄒兆霆一向都是愛狗之人，他亦希望劇集可以令到觀眾多啲關心自己嘅寵物，「因為我自己都有養開寵物，所以我知道其實要喺香港搵到一個咁好嘅獸醫係好難，好多時有養寵物嘅朋友都會好擔心唔相熟嘅獸醫會呃錢。所以希望呢套戲可以帶動到香港嘅所有獸醫同對寵物有誤解嘅人，更加關心同愛惜動物（特別係流浪狗）佢哋其實唔係好似外表咁可怕。」他亦呼籲大家要繼續追睇《寵愛 Pet Pet》，「可以睇到更多寵物故事！」

《愛回家》賈明昇｜鄒兆霆愛犬未夠一歲已拍劇搵錢 緋聞女友吳紫韻勁錫：好似阿媽咁【下一頁】

撰文：娛樂組