寵愛Pet Pet丨招浩明孖愛犬Romeo合演感難得 爆劇組錫到燶：佢愈拍愈肥

由林夏薇（薇薇）和周嘉洛主演的新劇《寵愛Pet Pet》，將接棒《天龍八部》於明晚（31日）首播，薇薇是出名愛動物之人，對於能夠接拍《寵》劇大感開心，她受訪時說：「自己有養開寵物，同埋又好鍾意動物，所以一直都好想參與呢一類嘅題材，亦都好想通過呢套劇傳達正能量訊息。」

同場加映：中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

{{hket:ul-video id="8811"}}{{/hket:ul-video}}

{{hket:inline-image name="3.jpg"}}{{/hket:inline-image}}

薇薇續指拍攝此劇時曾遇阻滯：「因為疫情嘅原因拍攝《法言人》時要延期，時間同《寵》劇撞咗，所以好多謝兩邊劇組肯就時間。」薇薇劇中飾演獸醫金惠婷Paula，拍攝前獲劇組安排向專業獸醫學習，她笑言：「喺屋企會攞啲狗狗嚟練習。」

{{hket:inline-image name="4.jpg"}}{{/hket:inline-image}}

薇薇與飾演其愛犬冬甩的金毛尋回犬Romeo有不少對手戲，冬甩在劇中十分奀皮搗蛋，經常搞破壞激嬲媽咪，但現實中Romeo非常乖巧，與薇薇首次見面已勁嗲及黐着薇薇，可謂一見如故，薇薇說：「佢好乖好有靈性，我會經常同佢傾偈同玩，又會買嘢請佢食，佢每日返廠都會飛奔撲向我。」薇薇又大讚Romeo演技出色：「有時睇番啲片，原來冬甩係演得最好嗰個，畀佢搶晒啲戲。」

{{hket:inline-image name="2.jpg"}}{{/hket:inline-image}}

Romeo現實中的主人是在《愛．回家之開心速遞》飾演「英進」的招浩明，浩明受訪時坦言能與Romeo同劇合作感到開心：「呢個機會真係好難得，雖然要帶咁大隻狗出入有時會攰，但每次帶佢返到公司我都好興奮，而且Romeo好鍾意返電視城。」

{{hket:inline-image name="01.jpg"}}{{/hket:inline-image}}

{{hket:inline-image name="02.jpg"}}{{/hket:inline-image}}

浩明透露劇組人員錫到Romeo燶，更笑言Romeo因此增磅不少：「Romeo有時會扭計，大家會諗好多方法氹佢，最常見就係請佢食嘢，拍完套劇佢明顯肥咗好多。」浩明指要兼顧劇中角色及照顧Romeo確實有難度，並感謝未婚妻Sophia無私協助：「Sophia嗰段時間盡量提早起身，完成晒手頭上工作就帶Romeo返電視城，其實Sophia本身都有份正職，要兩邊兼顧唔容易，所以我好多謝佢。」

{{hket:inline-image name="30.jpg"}}{{/hket:inline-image}}

撰文：娛樂組

相片：大會提供