寵愛 Pet Pet│梁菁琳首入劇組做番老本行獸醫 曾被質疑讀雙學位為乜做藝人

無綫即將在星期一（31日）推出新劇《寵愛Pet Pet》，由林夏薇、周嘉洛、姜大衞、黃子恆、古佩玲、徐榮、陳庭欣、何沛珈、楊證樺和招浩明等演出。這套愛情喜劇，故事圍繞資深獸醫金惠婷 Paula（林夏薇 飾） 和動物傳心師汪聲仁（周嘉洛 飾），由最初是鬥氣冤家，到後來建立友誼兼發展姊弟戀。林夏薇和梁菁琳（Katerina）同樣飾演獸醫，梁菁琳做番老本行，駕輕就熟兼可以幫手提供專業意見。

同場加映：譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

{{hket:inline-image name="9.jpg"}}{{/hket:inline-image}}

{{hket:inline-image name="WAH08062.JPG"}}{{/hket:inline-image}}

{{hket:inline-image name="12.jpg"}}{{/hket:inline-image}}

梁菁琳參加《2021香港小姐競選》之前，是一名獸醫，以雙重一級榮譽於世界排名前50的名牌學府澳洲悉尼大學畢業，主力研究動物胃部真菌感染等科目。她接受《晴報》訪問時透露，當初選擇修讀此科的原因，「讀中五時候，喺街上抱起一隻亂過馬路嘅彩鳳（虎皮鸚鵡），但一直搵唔番佢主人，就帶咗返屋企養。之後我養多一隻同品種嘅彩鳳陪佢，點知新嗰隻病得好重，搵鳥類獸醫好困難，所以後來我讀書揀咗珍禽異獸科發展。」

{{hket:inline-image name="00.png"}}{{/hket:inline-image}}

於獸醫診所工作期間，梁菁琳都遇過不少難忘經歷，「試過喺動物園實習的時候，喺一條鱷魚胃入面拎番一個1981年出產嘅紐西蘭一毫子硬幣；又試過為一隻澳洲海獅做超聲波驗孕；最開心係幫一隻初生亞洲小水獺身體檢查，佢實在好可愛。」今次拍《寵愛Pet Pet》，梁菁琳的學識終於大派用場，雖然劇組人員之前已做足資料蒐集，但當有特殊寵物出現喺劇組嘅時候，她便會幫手，「我有時會畀意見，唔使埋位嗰陣會幫手照顧小動物，同埋幫手做動作指導。」

{{hket:inline-image name="8.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

作為學霸的梁菁琳，竟然放棄大好前途，選擇參加香港小姐入行做藝人，加入無綫後被安排主持《東張西望》，而今次是她首次拍劇。她表示當初家人、朋友都對此有疑問，因她畢業後卻選擇了另一工作方向，「我覺得娛樂圈充滿無限可能性，我哋有當歌手嘅牙醫、唱兒歌嘅醫生, 所以獸醫做主持唔會有衝突。原有嘅知識、思維方式以及分析能力，都幫到我做主持時嘅口才同埋臨場反應可以有更好表現。」對小動物充滿愛心的梁菁琳，現時仍然不忘宣揚愛護動物的訊息，在自己的工作崗位上找機會幫手。她現正籌備一個相關的計劃，希望讓更多人知道關於動物的正確資訊以及生態保育的重要性。

另外，周嘉洛在劇中跟多小動物合作，十分開心，又大讚對手戲最多的金毛尋回犬「冬甩」調皮又活潑，在鏡頭面前完全展示了精靈的一面；但當冬甩拍到疲倦時，間中又會扭計。不過劇組們都很有耐性，他更大爆林夏薇是𠱁狗高手。冬甩在劇中戲份不少，所以監製特意找來阮政峰幫手配音，因他當日在《好聲好戲》中初試啼聲贏得正評，實在是十分適合的人選。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

撰文：王連連