香港小姐2023丨陶大宇讚16位佳麗擁冠軍相自爆唔能夠停唱《倒轉地球》

發佈時間: 2023/08/03

陶大宇今日與一班候選佳麗到尖沙咀出席贊助商活動，身為品牌代言人的他，更負責頒獎給佳麗們。大宇又透露早前曾割膽石，因此現時健康大過天，亦十分注重個人健康。

同場加映：中年好聲音丨許文軒愛唱歌意外成《好聲音》戰友緋聞被當真：麥美恩結婚先會完

大宇表示：「係十幾年前，當時我食嘢個胃同背脊痛，原來啲膽石塞住咗，睇醫生就知道出事，同埋我一直去洗手間都唔係咁好，食完呢個產品之後理想咗好多。」

首次與應屆佳麗見面，大宇覺得她們十分年輕，每一位都有冠軍相，又聽聞她們當中有不少是學霸，他稱：「選美係好難得嘅機會，一定要好好珍惜同享受呢個時候。（有冇興趣做評判？）我冇呢方面經驗，唔知自己有冇獨具慧眼。」

大宇又指最近主力返內地工作「找數」，明天又要起行到內地工作，問他到可有新「飲歌」？他笑言：「新都無用，佢指定要我唱《倒轉地球》，老細要換先換。（知道監製鄺業生逝世？）知道佢走咗，佢未出事前已聽聞佢身體唔係咁好，要入院休養，但大家好耐冇見，希望佢一路好走。」

採訪：黃寶蓮

撰文：娛樂組

相片：東星

最新文章