《星戰》︳古巨基邀30位新晉合唱05年作品 同樣擁音樂夢：不妨留意佢哋

古巨基這日公佈「I Really Love To Sing」音樂企劃第十回，就是請來19個音樂單位、共30位新晉歌手，包括吳保錡、張蔓莎、女團Lolly Talk、洪助昇、黎展峯、張進翹、顧定軒、女團STRAYZ、何佩、劉君冬、黃劍文、張天穎、谷旻、黎啟峰、陳天翺、Michael C、Lowa、Triple G及RUMBU，翻唱他於2005年推出並收錄於同名專輯的《星戰》。

同場加映：李玟今日設靈眾星到場致哀 《中年好聲音》戰友安慰李思林

{{hket:ul-video id="8838"}}{{/hket:ul-video}}

{{hket:inline-image name="Leo.jpg"}}{{/hket:inline-image}}

{{hket:inline-image name="200.jpg"}}{{/hket:inline-image}}

古巨基在網上發長文講感受，「呢首2005年《星戰》嘅歌詞，係好多鍾意唱歌嘅人嘅內心感觸和祈盼。喺2023年呢個版本，如果當中19個單位對你嚟講係新名字嘅話，請不妨開始follow佢哋留意下佢哋嘅音樂；如果你覺得『都唔識嘅』、『唱到咁』，請給他們多一點建議和時間，佢哋一定會進步。當然，更期待你可以發掘吓呢19個單位以外嘅更多新聲音，現在嘅香港樂壇其實係同時存在喺傳統媒體和新媒體當中，上網去點擊下佢哋嘅歌，等佢哋知道佢哋努力造嘅歌係有人聽到嘅。」

心跳回憶丨古巨基邀應智越男男合唱 發掘細貓獨特唱腔兼演戲天份【下一頁】

對於今次揀選《星戰》來大合唱，古巨基受訪時表示：「《星戰》呢首歌係『I Really Love To Sing』project嘅一個round up。首歌係講我好鍾意唱歌，而且係追住呢個夢想嘅一首歌。個夢想係乜？就係我好鍾意唱歌，然後『個個都識唱我的歌』，呢個對於特別係做歌手、有音樂夢嘅朋友仔嘅一個心聲。」歌曲同時描寫出追夢的心路歷程，從開始面試、一步步踏入樂壇、默默耕耘、最後夢想是大家都會唱自己的歌。

順風車丨雲浩影獲邀跟古巨基合唱95年作品 「我迫古sir同媽咪say hello」【下一頁】

提到拍攝MV當日的感覺，古巨基說：「我未拍過30個歌手嘅一個MV，今次係第一次，多謝大家嘅幫忙。今日拍嘅係一個舞台嘅集合、集結，係最後大團圓嘅一個畫面，呢個project叫做『我真係好鍾意唱歌』吖嘛，隻歌係想表達佢哋喺生活嘅無時無刻都歌不離口，譬如佢哋有啲係跑緊步嘅時候，拍佢哋對嘴、沖緊涼對嘴。除咗呢個場口，仲有好多佢哋生活點滴嘅時間做對嘴，所以辛苦導演組所有朋友。」

（↓點擊圖片放大↓）

最後對一班新生代歌手的寄語，古巨基話：「我百分之一萬地好多謝今次一齊參與嘅咁多位歌手朋友仔，仲有佢哋背後公司嘅management等等。對於我嚟講，新相識咗咁多位朋友仔，當中有好多出道年資都未必好長，但哪怕年資唔同，但係大家個心都係有一個音樂嘅夢，你夠鍾意一件事嘅話，你係會發揮小宇宙排除萬難，咬緊牙關做落去。能夠走埋一齊係緣分，希望大家可以互相幫助、互相支持，繼續向前行。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】