只演一場丨古巨基宣布8月會展開騷 製作AI演唱會海報勁複雜

古巨基昨日突然於IG張貼最新演唱會海報，宣佈將於8月8日假會展舉行《I REALLY LOVE TO SING  AROUND THE WORLD LIVE 2023》演唱會，相隔4年沒有上舞台跟歌迷見面，基仔卻只演一場，不少歌迷收到消息後都擔心買不飛，並向基仔詢問可否加場。

同場加映：李日朗為醫嫲嫲入行迷失自我 「小顏術一代宗師」享受演大奸狗

{{hket:ul-video id="8638"}}{{/hket:ul-video}}

{{hket:inline-image name="_LCS8142.jpg"}}{{/hket:inline-image}}

{{hket:inline-image name="6.jpg"}}{{/hket:inline-image}}

惟基仔表示今次演唱會只演一場，是想以這個騷作為他橫跨兩年的「 I REALLY LOVE TO SING」 新生代合作計劃第一階段作一個Round up。從籌備及進行橫跨兩年半，這兩年多期間，基仔與香港新生代不同歌手合作歌曲，不經不覺已經推出了不少大熱好歌，計劃來到今天，基仔表示：「可以預早少少同大家透露，今次實體唱片準備於8月4日推出，由於全碟10首歌都以故事形式拍攝MV，所以實體唱片會有一本類似電影劇照影集，重有一個『好集體回憶』嘅包裝設計。然後我同公司研究，覺得再以一個演唱會作為IRLTS第一階段嘅Round up就完美啦。」

{{hket:inline-image name="1.jpg"}}{{/hket:inline-image}}

{{hket:inline-image name="5.jpg"}}{{/hket:inline-image}}

基仔透露整張唱片會與9個不同單位歌手合作，而且還有最後第10個合作單位，而第10首係同邊個合作？基仔就話要賣個關子先，「呢個彩蛋喺演唱會前我會話畀大家知，好快有新MV推出。」

{{hket:inline-image name="4.jpg"}}{{/hket:inline-image}}

演唱會概念會環繞近日極之流行的AI人功智能，基仔表示：「個騷嘅故事線係關於音樂和AI和人的關係。首先，AI扮人聲唱歌大家都聽過，所以我地今次試用AI做演唱會張海報，想睇下AI會有咩新元素帶到出來。我影海報嗰日，一個人一件白背心白背景影咗張相，後期就用AI去處理。結果發現AI做一張海報，原來比傳統係花更多時間，甚至要比往日傳統準備晒服裝、道具、背景影張海報，要做多好多功夫。首先要輸入好多指令、關鍵詞話比AI知我地想要的元素及概念，但係發現AI係需要好多溝通教育嘅同時，佢係會提供好多未必啱用嘅可能性，要好長嘅時間調整指令甚至推倒重來，真係難過人手造張海報好多倍。所以之前好多人話擔心AI發展下去，好多人會失業，我覺得暫時唔會，反而AI係好需要更多人手操作，大家可以學習點handle AI。」

{{hket:inline-image name="3.jpg"}}{{/hket:inline-image}}

他續說：「至於演唱會上，我哋都會試一些AI可以做到的製作效果，現場會用盡會展整個場地，到時大家會體驗到一個大型、立體的Video Wall 展現好多唔同立體視覺效果。總之一定睇到大家目不下級啦！」

撰文：娛樂組

相片：大會提供