張敬軒直播遭13歲男激到爆血管 童言直線抽擊：我啲同學唔識你

張敬軒近日飛到南韓首爾出席SAMSUNG品牌活動，對首次飛首爾工作大感興奮，一落機就行街影貼紙相，夜晚網上直播跟粉絲們互動送禮物。軒仔跟網友互動非常搞笑，熒幕上有女仔敷緊眼膜，亦有來自澳洲的粉絲轉數勁快，即時受到軒仔邀請9月返港拍攝他的YouTube Channel《軒公敲碗》，軒仔都送上貼紙相畀大家，相當有心。之後軒仔堅持搵男仔傾偈，沒想到一搵就出事...

同場加映：中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

{{hket:ul-video id="8811"}}{{/hket:ul-video}}

中年好聲音丨龍婷同張敬軒原來係契兄妹？ 牆紙大王夫婦錫晒做神燈圓願？【下一頁】

{{hket:inline-image name="278534932_582557919385972_1260899399272474532_n.jpg"}}{{/hket:inline-image}}

軒仔選中一名13歲的男童，就讀中一，起初他細心問候對方為何夜睡，又大讚對方靚仔，不過男童似乎沒有半點興奮的感覺，反而一邊睇直播一邊編輯軒仔的維基百科，軒仔笑言：「而家好玩咩？做乜搞我個維基百科？唔怪得我維基百科成日錯啦啲資料！」他續問：「我大你差唔多30年，同一個大你30年男人傾偈，呢單嘢你唔覺得好怪咩？其實有冇聽我啲歌？」男童表示剛剛唱K都有聽軒仔的歌，表示：「《櫻花樹下》同《黃色大門》，最好聽呢兩首！

首先《黃色大門》並非軒仔的作品，而是他翻唱容祖兒的歌曲，軒仔扮嬲說：「豈有此理！我首首都好聽，咩最好聽兩首？喂，你估你爹哋媽咪知道你夜媽媽同人網上傾偈會點諗？」男童就話：「我阿媽知道一定好開心！」

軒仔跟網友互動玩遊戲送貼紙相，不過遇著冷淡的男童，似乎對貼紙相不太感興趣，男童笑言：「啲人會唔會以為我同性戀呀？」軒仔表示：「唔係呀，鍾意男歌手又唔一定係同性戀！」沒想到男童繼續正面抽擊：「同學會話我做乜鍾意呢啲歌手，唔係，佢哋唔會以為我同性戀，但會話：『嘩！點解你鍾意40幾歲歌手？』我啲同學都唔識你！」

張敬軒自爆每朝飲「英泥」早餐 美國巡唱遭瘋狂粉絲搶戒指【下一頁】

萬箭穿心的軒仔大受打擊，仍然笑笑口說：「你幫我宣傳咪得囉，我想知你呢個年紀小朋友聽咩歌？」男童讓他看自己的歌單，當中有Bruno Mars、One Direction等等，軒仔打蛇隨棍上，「唔緊要，你幫我宣傳，最多我送簽名碟畀你啦，反正我大把，你知唔知DVD係咩？」軒仔知道貼紙相不太吸引，於是提出送薯片和奇異果，男童最終勉為其難接受貼紙相這大禮。

男童離開直播間之後，軒仔笑言要飲啖水定驚，「13歲...即係2010年出世？嘩『10後』，黐線！『10後』都睇我Live？今晚真係成就解鎖！畀佢激到我有少少爆血管感覺，飲啖水先。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組