張敬軒自爆每朝飲「英泥」早餐 美國巡唱遭瘋狂粉絲搶戒指

張敬軒今日到中環出席譚仔雲南米線活動，獲邀試食「Me More下午茶餐」，吸引大批粉絲逼爆米綫店門外，更驚動警方到場維持跌序。軒仔笑說︰「演唱會服飾又deep V又露背，所以事前象徵式戒口，霎時間有咁多選擇，令我選擇困難症發作，每款都想試，仲有咁多配搭，食足一星期都試唔晒。」

同場加映：譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

{{hket:inline-image name="DSC_2567.JPG"}}{{/hket:inline-image}}

軒仔笑言一見「米線姐姐」十分開心︰「見到姐姐就知有下午茶食，但見到屋企『遮遮（工人姐姐）』就要諗下自己有無嘢食，因為屋企選擇唔到，嚟到呢度好多選擇，有啲唔慣。」提到他見到一枱美食即選擇困難症發作，他搞笑說︰「我係被人train到有困難症，因為喺屋企最多得ABC餐，嚟到呢度開心好多！」

{{hket:inline-image name="DSC_2570.JPG"}}{{/hket:inline-image}}

他指「遮遮」煮的菜式十分清淡，「我喺屋企係被迫戒口，加上媽咪最近搬嚟同我住，佢好鍾意搾果汁同糊，我依家每朝都飲『英泥』！所以我好珍惜出嚟食下午茶，調劑下生活，其他人想返屋企食飯，我就想盡辦法唔返屋企食。」

{{hket:inline-image name="DSC_2529.JPG"}}{{/hket:inline-image}}

早前軒仔往美國巡演出，他笑言當地歌迷超級熱情，「我落台握手，佢哋好激動，有人仲搶我隻戒指，我即刻嗌『唔好攞，貴嘢嚟㗎』！」

{{hket:inline-image name="DSC_2633.JPG"}}{{/hket:inline-image}}

另外，軒仔曾透露計劃開辦演藝學校，他表示仍正在進行中：「其實呢間學校就好似木人巷咁，除咗訓練表演之外，唔係純粹一間音樂學校，會由做人開始，以至職業道德都要去培訓。」問軒仔會否做導師？他說：「我只係牽頭作用，希望可以邀請到殿堂級前輩助陣。」

採訪：黃寶蓮

攝影：林良明

撰文：娛樂組