BEC傳媒午宴有心思 做好榜樣實踐ESG

最近黛安獲邀參加一個傳媒飯局，估唔到又幾有心思喎。話說呢個由商界環保協會（BEC）搞嘅傳媒午宴，特別選址中環一間社企，藉此支持有特別學習需要嘅人士，貫徹BEC推動商界實踐ESG嘅宗旨。難怪佢哋嘅CEO Simon話，BEC唔止推動商界實踐ESG，仲會親自做好榜樣，同企業會員一齊努力達到可持續發展。

當日參加午宴嘅傳媒朋友仲收到好有特色嘅小禮物，環保餐具當然唔算獨特啦，但包住餐具塊布原來係用一啲唔要嘅布碎製成，真正做到廢物利用同埋升級再造（upcycling），既環保又有心思，抵讚！黛安都曾經喺唔同場合聽到Simon講環保、ESG及Net Zero，今次唔單止有機會聽佢講，仲可以親身體驗埋點樣做，BEC又的確係walk the talk喎。