余文樂出賣老友hea爆街坊look 吳彥祖成熟佬味似李察基爾

一代男神余文樂2017年同台灣女星王棠云結婚後，將生活重心移到台灣，成為了一子一女的爸爸後，余文樂減少幕前演出，唔知係咪因為大家都比較少見到佢，所以每次佢一出現都會被指「崩壞」不少。日前余文樂同另一經常版指「崩壞」男神吳彥祖咁啱齊齊返到香港，余文樂仲影低對方最自然嘅一面，意外地有啲似李察基爾，自己平反唔到，但就成功為老友平反！

同場加映：全民造星V丨Lyman大熱奪冠KC同分屈居亞軍-花姐對Nathan退賽大感可惜

{{hket:ul-video id="8710"}}{{/hket:ul-video}}

{{hket:inline-image name="VCG111157154815.jpg"}}{{/hket:inline-image}}

吳彥祖（Daniel）現居於美國，仲踩埋去職業賽車手嘅範疇，吳彥祖同樂仔相識多年，雖然從來冇合作，但二人感情要好，仲咁啱都係差唔多時間經歷差唔多嘅人生路，包括生仔結婚同埋想作出拍戲以外嘅嘗試。難得二人都同時喺香港，當然唔會放過相聚機會，樂仔冇打咩caption，只係低調咁影低Daniel嘅大側面。相中見到Daniel着得好casual，髮線雖然略高，但深邃嘅輪廓加上濃濃嘅佬味，有啲似荷里活影星李察基爾，已經唔再係年少時嘅俊美，但就去到另一個層次嘅有型。

不過余文樂自己就「平反」唔到，余文樂曾一度進行地獄式減肥，有一段時間重現爆肌身形，不過喺佢被網民捕獲嘅相中見到余文樂身形未見消瘦，面上鬚根變到幾乎全白，非常滄桑！其實余文樂外貌早已引起關注，早前已有網民喺日本見到佢，但當時崩壞程度已震驚不少網民，大家都表示認佢唔到，唔係認真睇，都唔知係明星咁話！

圖片來源：Instagram