一年一度《香港小姐競選》即將舉行，連續兩個星期無綫為參選佳麗拍攝真人騷《2023香港小姐競選 終極面試》，在剛過去的周日（9日）就公布了最後入選的佳麗名單。節目完結後，網民對於今次成功晉級的18位佳麗大感不滿，因為特別多參賽者未能操流利廣東話，反而來自內地，廣東話聽同講都有困難的佳麗反而入選，而且儀態「特別出眾」，帶「亞洲蹲」文化滲入港姐團；網民質疑若她們當選是否能夠代表香港出外作親善訪問。而本屆退選的人也特別多，就算入圍最後都決定離開。
同場加映：
Laugh Vacation丨193對住舞台劇前輩變鵪鶉 用另一面取悅觀眾：同平時笑點唔同
在《2023香港小姐競選 終極面試》，除了會見評判之外，還接受林盛斌、馮盈盈和陳嘉容特訓，節目公布了18位佳麗成功晉級︰分別有1號吳詠婷（Anna）、2號黃泳嘉（Jessica）、3號鄧凱文（Eris）、4號王怡然（Lynn）、5號梁倩淇（Debbie）、6號胡睿涵（Hanna）、7號毛志琛（Victoria）、8號姜依宁（Jenny）、9號潘明璇（Michelle）；10號陳霈錤（Hera）、11號賀怡雯（Lea）、12號梁晶晶（Nicole）、13號陳曉彤（Cindy）、14號陳怡名（Zora）、15號莊子璇（Hilary）、16號郭珮文（Juliana）、17號王敏慈（Lovelle）、11號周婷（Jennifer）。各佳麗在本月13日，前往越南拍攝外景。
香港小姐次輪面試丨內地佳麗投訴面試似「軍訓」 樂易玲檢討冇扣印象分：下次出聲【下一頁】
港姐次輪面試丨趙璧渝傍住細妹 佳麗警鐘胸搶鏡 山寨范冰冰淡妝似番人類【下一頁】
昨晚一集，有4位佳麗落選，分別是高伊聤、鄭思怡、王藝淳和趙璧渝妹妹趙穎琪。高伊聤對鏡頭含淚表示，參加以來跟Jenny最老友，希望對方之後仍然會相約見面；至於趙穎琪未能憑家姐的關係而入圍，但她表示，「估唔到可以行到咁遠，已經係好叻，我覺得自己成長咗好多。」今年參選大多數是內地佳麗，她們廣東話發音不流暢之外，有些佳麗甚至連聆聽的能力也欠佳，例如梁晶晶在昨晚的節目中進入「無人之境」，於問答環節中只自說自話，在場評判的曾志偉都忍不住話：「真係犀利！你問東佢答西。」
內地佳麗都帶來鄉土風氣，來港參選，在節目內，陳嘉容傳授穿上高踭鞋走路等儀態貼士，當她叫眾人休息一下時，一班佳麗立即累得差點跌倒地上，在鏡頭前出真性情，有人施展「亞洲蹲」，有一些人赤腳坐地，陳嘉容忍不住責備︰「你哋咁樣跌落地好肉酸！知唔知著緊裙呀小姐？你哋坐低走晒光，任何時間其實都係畀緊分，你哋坐低換鞋都有個靚啲甫士得唔得？」她對於眾人的舉止十分不滿，這完全不能代表香港小姐。
網民睇完節目都感到失望，留言謂︰「好多連廣東話都講吾正⋯冇眼睇」、「不想睇，一年差過年」、「中國佳麗多過本土香港佳麗，不見海外佳麗回來競選？佳麗要華語、粵語雙語口齒伶俐才收視好...英文又不需要咩」、「很難選啊，個個都這麼平凡」。同時亦有人留言支持自己心水，「Cindy、Lea同埋Juliana 我心目中3甲人選，加油」、「我睇好莊子璇」。
大熱的Lea、Juliana、「翻版范冰冰」王敏慈、莊子璇都順利「入閘」。節目完結後，有「一見鍾意佳麗」投票活動，由觀眾投選心目中的喜好。在今日的記者會上，一眾佳麗會見傳媒，公布參選號碼，同時宣布最高票數3位佳麗。之不過，「翻版王祖賢」Lea本是大熱，但在昨晚節目播出後，於自己社交平台以性格不合由為宣布退選，表示︰「我退賽啦！個人原因退出止步於此，人生總得嘗試一次才知道是否適合，通過這段時間的嘗試發現自己的性格並沒有適合，無法輕鬆面對媒體。」樂易玲事後回應，節目錄影前，已知道她有退選打算，二人曾一起討論，及後樂小姐親自跟對方母親電話對話，她稱︰「我哋希望佢面對到壓力，但見佢開始跌Watt，佢又話唔想連累團隊，加上喺Training class缺過幾堂，所以我哋都接受。今年唔得等佢下年準備好啲先。」至於14號陳怡名、4號王怡然、8號姜依宁、17號王敏慈廣東話不靈光，活動上自我介紹時出盡鄉音，令人聽到摸不著頭腦；11號周婷最惹笑，南加州大學畢業及任職投資分析師的她，卻講成「爛」加州及「兔仔」銀行工作，司儀陸浩明即取笑：「加油呀，我覺得你廣東話越嚟越進步。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
採訪：黃寶蓮
撰文：娛樂組