無綫的《中年好聲音》一班歌手，周吉佩、李佳、羅啟豪、吳大強、龍婷、支嚳儀、顏志恆、魏嘉信、丁文俊、梁浩銓，在筲箕灣東區文化廣場為《大笪地唱不停》錄影，同場還有蘇韻姿和許文軒。
同場加映：TVB節目巡禮丨陳豪遭踢爆拍劇真咀Aimee 《中年好聲音》周吉佩顏志恒拍綜藝
周吉佩自從奪得《中年好聲音》冠軍後，工作接踵而來，預計9月將與李佳芯出發去日本，拍攝新節目《日本18種住法》，最近又有新想法，所以辭退了本身工作，他說：「我開咗間個人教唱歌嘅教室，暫時叫『吉吉好聲音教室』，點解會開？因為好多人問我，叫我教佢唱歌，聽到咁多人有興趣，我就認真諗吓開studio，投資咗好少錢，大約5位數字，主要都係租金同裝修，而家收生情況都好好反應，令我更加有信心去轉營，全職教唱歌。」
父親節快樂丨周吉佩帶仔女上獎門人唸急口令 廿四孝老竇原來屋企訓練有素【下一頁】
對於《中年好聲音2》開始進行面試，有不少歌手、藝人參與，例如黃劍文、葉暐、張智軒，問周吉佩有甚麼經驗可以分享？他說：「有幾位歌手朋友都有問我意見，我希望佢哋可以拋開歌手身分，坦白講，我報名嘅時候有少少驚歌手身分令自己有包袱，要重新出嚟畀人評頭品足，你接唔接受到呢？呢樣嘢要放開囉，其次係呢個比賽時間都唔短，大家要有玩馬拉松嘅感覺，要保持狀態，因為我中間真係drop得好緊要，係太太支持我，我就開始放開咗。」
顏志恆現時夥拍黃翠如、連詩雅及陳自瑤主持節目《煮東煮西》，他表示已開始拍攝，但自己仍在適應中。對於三位女拍檔的廚藝，顏志恆笑說：「佢哋都有向我、保哥（黃亞保）、嘉嘉（黃浩然太太莫家嘉）取經，聽佢哋講都有煮開嘢食，所以一開就明，好似連詩雅要沾麵包糠炸，佢都熟手嘅。」
中年好聲音丨顏志恒事隔5年再遇偶像許志安 「好開心竟留意到我呢個小粉絲」【下一頁】
至於任職律師的魏嘉信，他表示現時會如常工作，問他可會考慮開一個關於法律的節目？魏嘉信說：「如果問心，我反而想參加多啲綜藝節目，因為上兩次都玩得好開心，樂而忘返，平時返工已經好嚴肅，上綜藝節目可以做番自己，大癲大肺又唔會被人鬧。」在旁的顏志恆十分認同，「我同嘉信一樣，想玩綜藝節目多啲，可能我同吉吉、嘉信開一個《三個喊包去旅行》，呢啲節目會開心啲。（向無綫總經理曾志偉建議？）佢見到我嘅話，睇吓可唔可以提及吓啦！」魏嘉信指前排搞了一個fans見面會，「對我嚟講好新鮮，我都好想再搞，今年8月係我生日，因為我轉字頭，點都要搵啲嘢搞吓！」在旁的顏志恆笑說：「哦，40歲！」
採訪、攝影：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】