愛回家︳沙湯遠憑體味認救命恩人熊樹仁 單立文寄語楊明：正直做人就得

楊明今個星期一（3日）正式在《愛回家之開心速遞》登場，劇中飾演雷公（白彪 飾）的親生仔「虹豆沙湯遠」，上一集結尾只是講到他勇救雷公，未有交代兩父子有否相認。昨晚（6日）劇情繼續發展，講雷公契仔John（何啟南 飾）成功接近沙湯遠，終於知道他此行來港原因，無非是想尋找兒時的救命恩人。

同場加映：全民造星V丨Nathan女友離世認曾考慮過退賽 王鋒跟阿澤反目糾紛仍需時間解決

{{hket:ul-video id="8595"}}{{/hket:ul-video}}

{{hket:inline-image name="07071001.jpg"}}{{/hket:inline-image}}

{{hket:inline-image name="07071003.jpg"}}{{/hket:inline-image}}

有傳TVB特登安排楊明的角色性格正氣兼戇直，想塑造正面角色助其「洗底」，不過交代他搵到兒時恩人是熊樹仁（單立文 飾）時，回憶片段中見到單立文對童年版楊明說：「如果你想報答我嘅話，應承我，只要你正正直直咁長大做人就得嘞！」之後返回現實時，單立文就話：「原來你係當年嗰個𡃁仔，睇嚟呢你已經好正直咁成長咗！」對白似乎有些隱喻。

愛回家︳楊明演雷公私生子「虹豆沙湯遠」 忠粉忍痛熄機：只要有佢就唔睇【下一頁】

昨晚一集其實很有追看性，何啟南演出相當抵死，滴眼藥水扮喊博取同情；歐瑞偉搞gag話虹豆沙湯遠跟雷公相認後，便要改名叫雷沙湯遠。楊明相隔廿幾年認出單立文，竟然全憑對方身上的男人味，最後表明按族例對恩人要以身相許，所以今晚（7日）最新一集會見到楊明在熊家出現，擦出不少新火花。

（↓點擊圖片放大↓）

楊明上次出場後引來網友不少聲音，有人表示要熄機唔睇，亦有人話支持讚好睇。對於昨晚楊明的表現，網友在TVB官網FB內話：「《愛回家》已經好好睇，加埋有善心、有愛心、識演戲和靚仔嘅楊明演出，簡直讚好叫絕，一定支持！」、「點解要加醉駕明入劇組？」、「唔關其他嘢事，楊明真係睇極都唔順眼」、「同樣係醉駕，一個無得留低（指「細龍太」陳思圻），一個坐埋監竟然可以加入」、「有楊明嗰集 唔會睇」及「楊明老晒樣，相由心生」等。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】