愛回家︳蘇韻姿被調離劇組認收入受影響 心如補習社執笠：好可惜呀

蘇韻姿憑《愛回家之開心速遞》角色「熊心如」成功入屋，坊間擁有一定的人氣，可是早前爆出遲到及工作態度差等問題，因此今年1月已被調離劇組，劇情交代心如去了歐洲工作，由她經營的「天才聯盟補習社」就要「執笠」。暫時未知補習社內一眾年輕演員古佩玲、葉蒨文、林浩文及羅永健的日後去向，但蘇韻姿已現身綜藝節目《濠玩夏水禮》及《不可能任務》當中，看來TVB並非完全放棄她。

同場加映：黃光亮視黃霑為榜樣夜店下跪拜師 人生閱歷豐富 半退休學笑看風雲

{{hket:ul-video id="8483"}}{{/hket:ul-video}}

{{hket:inline-image name="ebd46a6f-a24b-416b-80ef-1cd53dbb31aa.jpg"}}{{/hket:inline-image}}

{{hket:inline-image name="313192552_553047603249693_7884363097745315508_n.jpg"}}{{/hket:inline-image}}

蘇韻姿這晚（21日）繼續有工開，跟一眾《中年好聲音》歌手在筲箕灣錄影《大笪地唱不停》，有機會在電視上大展歌喉，受訪時笑言在後台偷師，留心周吉佩等人如何做熱身及做準備。提到《愛回家》有否歸期，蘇韻姿說：「暫時等緊公司消息，因為所有工作都係公司安排，暫時出咗街有兩個綜藝節目，今次又可以嚟呢度唱歌，之後都會有一啲新嘗試，但唔透露太多，到時再通知大家，應該兩個月後就會有第二個工作可以去嘗試同挑戰。（劇中補習社因你「摺埋」？）好可惜呀，係心如嘅心血嚟㗎，但係我都明嘅，劇情上嘅需要，因為心如去咗歐洲搞益生菌生意，都係編劇嘅決定，我哋做演員都好被動。（有主動問監製幾時回歸？）我諗佢哋知道的話會儘快通知我，可能而家劇情上有其他發展，公司對我又有第二啲安排，咁我就跟住公司嘅安排去做。」

愛回家丨心如未有歸期補習社執笠各散東西 面油書蟲面臨失業：其實都幾傷心【下一頁】

至於被調離後收入有否受影響？她話：「唔多唔少出鏡率係有影響，而出鏡率係會影響收入，但不嬲我哋做演員、藝人都知道有高有低，有時可能好忙、有時可能好得閒，呢個我覺得我哋心態一定要調整，如果唔係就會好辛苦。（冇影響日常生活？）點都會有影響，因為咁多年嚟都係拍《愛回家》，我嘅生活模式及各方面慣咗圍繞住呢個工作而去安排自己嘢，變咗而家要用第二個模式去處理所有嘢。真心係收入會有影響，始終《愛回家》係日日都出街，又未必集集有我嘅，但係曝光率係多啲囉，所以惟有努力加油。其實疫情令個個經歷唔同風波，覺得呢個階段令我可以沉澱落嚟，再思考自己之後點樣可以再做好啲，希望透過呢啲唔同嘅工作機會，令大家對我有好嘅感覺。」

（↓點擊圖片放大↓）

處境劇《愛回家》長拍長有，對劇中演員帶來穩定薪酬，達至「爆騷」更有可觀收入，蘇韻姿有幾個月冇工開的日子，分分鐘要靠積蓄及家人支持。蘇韻姿似乎沒有這方面問題，還獲得媽媽的說話鼓勵，「坦白講我哋做呢一行，可能好多人會覺得我哋表面好似好光彩、好靚，但我哋都係打一份工，我都係抱住呢個心態，所以希望有日好叻女做到啲成績，可以報答到屋企人，只係暫時未去到嗰個階段，所以就要繼續努力。覺得最窩心係媽咪冇怪責我，亦冇講任何負面嘢，冇叫我放棄，因為佢知道呢樣係我唔會放棄嘅嘢，反而好鼓勵我話『而家唔緊要啦，有第二啲工作學習，亦多咗時間處理好自己嘅嘢』，可能之前我私生活有啲嘢未處理得到或處理好，而家調整番所有嘢，令各方面都可能好啲呢！」

採訪、攝影：黃曉妍

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】